→ كل الوصفات

الفايش الصعيدي

#مريولي_باسمي #اكلات_علي_كيفك #الشيف_رورو

  • 3 م ك حمص مطحون حمص تسالي مش للطبيخ
  • م ك مليانه سكر
  • كوب حليب بيغلي
  • كوبين دقيق
  • كوب حليب دافى
  • 1/2 كيلو حليب
  • كوب مياه دافيه
  • 1/2 كوب سكر
  • م ك ممسوحه كركم
  • م ك ممسوحه محلب
  • كوب الا ربع سمنه
  • كيلو ونص دقيق
  • م ك مليانه بيكنج بودر
  • م ك مليانه سمنه
  1. أولا العجينه كلها بتاخد من كيلو ونص لاتنين كيلو دقيق بالخميره بكله
  2. هنجيب برطمان معقم زجاج محكم الغلق هنخط في الحمص والسكر ونقلب وننزل باللبن السخن ونقلب ونقفل كويس وكمان نغطيه بفوطه ونحطه في نمليه المطبخ المهم يكون مكان مش بتفتحه كتييير
  3. التخمير في الشتا غير الصيف كل يوم نبص عليها هي خدت معايا اربع ايام لما كلها تعمل فقاقيع كده هي خمرت
  4. هاخدها بقي في بوله واحط عليها مقادير الخميره التانيه
  5. واضرب بالمضرب اليدوي واغطيها واتركها تخمر خدت مني خمس ساعات وضربتها بالمضرب تآني وسبتها تخمر ساعتين كمان بس دي اختياري كفاية تخمر مره واحدة
  6. بعد كده هاخد الحليب مع السكر والبهارات علي النار لحد مايدوب السكر اطفي انزل السمنه بعايرها في الكوب وهي بدرجه حراره الغرفه لو حر يبقي ندخلها التلاجه وبعدين ناخد منها
  7. بعد ماتدوب السمنه والحليب يكون دافى هضيفها مع الخميره التانيه وباقي الدقيق تدريجيا واعجن كويس
  8. وهحط بيكنج بودر مع الدقيق وفي الاخر هضيف م ك سمنه واكمل عجن وهتركها تخمر حوالي ساعتين
  9. هشكل العجينه علي شكل كوره او رول كبير ويكون سميك
  10. هضغط عليهم بايدي ضغطه خفيفه واحطهم في الصاج ومهم يكون المونيا وتقيل
  11. هحطهم في الفرن يخمرو من غير ما اغطيهم خدو مني ٩ ساعات
  12. هدخلهم يستوي في فرن حامي 180 درجه لحد ماتاخد لون من تحت واشغل الشوايه
  13. والقرص دافي اطلعه علي شبكه بهدوء وبعد شويه لو في مياه نمسح بالمنديل ونتركه يوم كامل متهوي
  14. بعد كده نقطعه
  15. نرصه في الصاج ويدخل يتحمص وبعدين نتركه يوم في الهوا قبل مانحفظه في العلب
  16. ده شكل الحمص
عجبتك الوصفة؟
شوف كل وصفاتنا في مكان واحد
كل الوصفات →