→ كل الوصفات
الفتة المصري والطعم تحفة بس مش دايت خااالص 😍😍
المقادير
- عيش بلدي متقطع مكعبات بالمقص
- ملعقة كبيرة ثوم مفروم
- ارز
- شوربة لحمة
- طماطم
- رشة ملح
- رشةر فلفل
- رشة كمون
- معلقة كبيرة خل
- معلقة زبدة بلدي
- زيت
طريقة التحضير
- هنحمر العيش المقطع في زيت او ممكن في الفرن بمعلقة زبدة بلدي
- هنعمل ارز ابيض عادي خالص بالطريقة العادية
- هنضرب الطماطم في الخلاط ونصفيها
- هنجيب حلة على النار ونحط فيها ملعقة ثوم مفروم كبيرة ونحمره لحد مايصفر بسيط وننزل بمعلقة كبيرة خل مانكترش
- بعدين هننزل بعصير الطماطم ونضيف عليهم ملح وفلفل اسود ورشة كمون ورشة سكر ونسيبها تتسبك
- هنجيب باقي الثوم المفروم ونحمره في ملعقة سمنة بلدي على النار لحد ما يصفر ويبدأ يلزق في المعلقة اللي بتقلبي بيها
- هنضيف عليه شوية خل صغيرين يا دوبك الثوم يفك بس
- هنجيب طبق للتقديم ونحط العيش بعدين طبقة ارز ونضيف شوربة فوق الرز مش على العيش ومش كتير يا دوبك كبشة واحدة
- بعدين هنحط الثوم المحمر على الوجه والصلصة وبالف هنا وشفا وتحفة 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد