→ كل الوصفات
#ضيوف_رمضان
المقادير
- كيلو لحمة ضاني او عجالي
- لسلق اللحمة👇
- ملح
- وفلفل
- حبهان
- وعود قرفة
- ونص ملعقة سكر
- 0.5 كيلو ارز
- 4رغيف خبز
- للصلصه👇
- 10 فصوص ثوم
- 2 كوب طماطم معصوره،
- 2 معلقه خل
- 0.5 معلقه سكر
- ملح
- وفلفل
طريقة التحضير
- في حله على النار نحط اللحمة ونشوحها بمعلقه سمنه ونغطيها مع المتابعه لمده نص ساعة ثم ننزل عليها بالماء المغلي ونشيل الريم كل ما يظهر لحد ما تبقي الشوربة رايقه
- نضيف نص ملعقة السكر والفلفل والبصل والحبهان ونغطي ونهدي النار ونسيبها تستوي لمده ساعة
- نقطع الخبز بمقص مطبخ لمربعات صغيرة، ثم نضع عليه 3فصوص ثوم محروس و ملعقة سمنه بلدي ونقلبه كويس وندخله فرن هادي على مايتحمر
- في حله على النار نضع ملعقة زيت و ملعقة سمنه ونشوح فيهم الارز وبعدين ننزل بالماء المغليه والملح واول مايغلي نهدي النار ونسيبه يستوي
- في طاسه على النار نضع ملعقة سمنه وعليها باقي الثوم المفروم ونشوحه لغايه مايصفر وننزل عليها بمعلقه خل واول مايغلي ننزل بالطماطم المعصوره والملح والفلفل ونص ملعقة سكر ونسيبها تتسبك، بعد ما تتسبك ننزل عليها بكوب من شوربه اللحمة
- في طبق تقديم مسطح نضع نص كميه الخبز المحمص ونشربها بشوربه اللحمة وبعدين ننزل بالارز الابيض وونحط عليها الصلصة
- باقي الخبز المحمص يتحط في طبق ونحط عليه الصلصة او نقدمها لوحدها وبالهنا والشفا❤
- ممكن طبعاً نحط اللحمة على وجه الفته ونسقيها بالصلصه مع الفته، حسب رغبه كل واحد يعمل الى يحبه هو واسرته👌❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد