→ كل الوصفات
الفراخ البانية من أحلى وألذ وصفات عمل الفراخ😋 وفي طرق تحضير كتير لعمل الفراخ البانية♥️ وفي الطريقة دي هقولك على كل التركات اللي هتخليها سهلة في التحضير بدون خطوات كتير وطعمها هيكون لذيذ ومميز وطبقة البقسماط متفكش منك في الزيت وإن شاء الله تجربيها وتعجبك 😍🌷 #طبخات_سهلة #وصفات_بالفراخ #Cookingtherapy
المقادير
- 1/2 كيلو شرائح صدور فراخ
- 1 بصلة كبيرة مبشورة
- 2 فص ثوم مفروم
- 1 ملعقة صغيرة فلفل أسود
- 1 ملعقة صغيرة ملح
- 1 ملعقة صغيرة بابريكا
- 1 ملعقة صغيرة بهارات فراخ
- 2 ملعقة كبيرة خل
- 2 ملعقة كبيرة عصير ليمون
- 1/2 كوب حليب
- 1 بيضة
- كمية من البقسماط المطحون
- 2 ملعقة كبيرة دقيق
طريقة التحضير
- أولاً إغسلي شرائح صدور الفراخ كويس جداً بالماء وبالملح والخل وبعد كدة صفيهم من الماء😍
- جيبى طبق عميق وحُطي فية البصلة المبشورة والثوم والبهارات والبابريكا والملح والفلفل الأسود والخل والليمون والحليب والبيضة وقلبي كل المكونات مع بعض كويس جداً 😍
- ضيفي بعد كدة شرائح صدور الفراخ للتتبيلة وقلبيهم مع بعض كويس جداً وبعد كدة سيبي الفراخ في التتبيلة لمدة ساعتين أو أكتر ومن الأفضل تسيبيها من بليل للصبح بتكون أحسن😍
- جيبى طبق مناسب وحُطي فيه البقسماط والدقيق وقلبيهم مع بعض وبعد كدة غلفي صدور الفراخ بالبقسماط والدقيق واضغطي عليها كويس وانتي بتغلفيها بالبقسماط والدقيق عشان متفكش منك في الزيت وبعد لما تخلصي كل كمية الفراخ دخليهم الفريزر لمدة 10 دقائق 😍
- جيبى مقلاية وحُطي المقلاية على نار متوسطة وحُطي كمية من الزيت وبعد كدة حمري الفراخ لحد لما تاخد لون ذهبي جميل وخرجيها بعد كدة على مناديل مطبخ لإمتصاص الزيت 😍
- قدمي الفراخ البانية بعد كدة مع مكرونة أو ساندوتشات مع بطاطس محمرة شوفي انتي هتقدميها مع إيه وإن شاء الله تجربيها وتنجح معاكي 😍🌷♥️
- 😋😋😋😋😋😋♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد