→ كل الوصفات
وصفة سهلة جدا ولذيذة وكلنا بنحبها سواء اطفال او كبار مبتاخدش وقت ابداااا وبتطلع تحفة ومقرمشة ❤️😋
المقادير
- كمية صدور او دبابيس او وراك او اجنحة انا هنا استخدمت الاجنحة
- دقيق
- ملح وفلفل أسود حسب الرغبة
- م ص بابريكا
- رشة توم بودر
- رشة بصل بودر
- م ص 7 بهارات
- م ص بهارات فراخ
- 2 ملاعق نشا
- بيضتين
- 1/2 كوباية لبن
طريقة التحضير
- اول حاجة بنغسل الدجاجة كويس بملح وخل وماية وبنصفيها كويس
- بنحط ماية عالنار ونبتدي نسلق اللي هنستخدمه سواء اجنحة او دبابيس نص سلقة (علشان ميبقاش فيها دم ولا زفارة)
- بعد الفراخ ما تتسلق بنطلع في مصفاه وبنصفيها كويس
- نعمل بقا الخليط اللي هنحط الفراخ فيه واللي هو اللبن والبيض ونص معلقة صغيرة من كل البهارات اللي فوق ومعلقتين دقيق لحد ما القوام يبقي شبه قوام الكيك بس اخف شوية
- ملحوظة (ممكن نبدل اللبن بالماء)
- نسيب الفراخ فيها بقا اقل حاجة ساعتين ولو ٨ ساعات يبقي احسن
- بعدين هنحضر الcover واللي هو دقيق وعليه نص معلقة صغيرة من كل البهارات دي وعليه نشا
- بنطلع بقا الفراخ من الخليط وننزل بيها في الدقيق المبهر ونغطيها كويس من الجوانب وبعدين ننفضها من اي زيادة ونحطها في طبق جاف
- بنسخن الزيت عالنار جدا (لازم الزيت يبقا سخن جدااا) وننزل بقا بالفراخ وبعدها نهدي النار لحد ما تاخد لون دهبي وبكده تكون استوت 😍😋
- بنخرج الفراخ من الزيت ولازم نحطها علي شبكة زي شبكة الفرن كده ودي خطوه مهمة جدا علشان تبقي مقرمشة ومش طرية
- تتقدم بقا بعدها بشوية والف صحة وهنا علي قلوبكم 😍😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد