→ كل الوصفات

الفراخ الكنتاكي على اصوله زي بره

#كنتاكي

  • فرخه وزن كيلو ونص مش اكتر عشان تستوي كويس
  • معلقه ملح
  • معلقه فلفل اسود
  • معلقه صغيره بصل بودر
  • معلقه صغيره توم بودر
  • معلقه صغيره او كبيره شطه حسب ما تحبي
  • رشه جنزبيل
  • رشه كسبره مطحونه
  • معلقه صغيره كمون مطحون
  • معلقه بابريكا
  • معلقه كبابه صيني بتفرق ف الطعم
  • كمية دقيق
  1. بنقطع الفرخه ٨ اجزاء وده افضل عشان السوي و نغسلها كويس جدااا بمايه وخل ودقيقه ونسيبها تتصفي تماما ونخرم فيها بالسكينة عشان تشرب التتبيله وبعدين بنحطها ف بوله ومعاها كل التوابل ونزود عليها نص كوبايه مايه ونقلب كله ف بعضه كويس اوي ونغطيها بورق استرتش و الاحسن انها تبات ليله ف التتبيله ومتنسيش اهم حاجه اوعي تشيلي الجلد وحاولي التتبيله تتدخل تحتيه
  2. بعد لما باتت ليله ف التتبيله بنطلعها علي مصفاه تتصفي تمامااا ونكون محضرين طبق كبير يكفي قطع الفراخ كلها و مالينه دقيق وعليه معلقتين من خليط التوابل اللي حطيناه ف الفراخ
  3. يفضل طبعا تعملي طبق تخلطي فيه التوابل كلهااا تحطي منها للفراخ وتسيبي معلقتين عشان الدقيق عشان تنجزي وقت
  4. بتقلبي الفراخ ف الدقيق مده متقلش عن ربع ساعه وتقلبي من تحت لفوق ومن اليمين للشمال وتراعي انك متلمسيش الفراخ ولا تضغطي عليها بايدك
  5. تكوني محضره جمبك طبق فيه مايه ساقعه بقطع التلج ودي خطوه مهمه جداا مش مايه ساقعه بس لازم التلج
  6. بتطلع حته الفرخ وتنزليها ثانيه واحده ف المايه وتطلعيها تاني علي الدقيق ونكرر نفس خطوه الدقيق مره تانيه لمده ربع ساعه برضو ومنلمسش الفراخ نقلب حواليها الدقيق كويس عشان الطبقه الكريسبي متفكش
  7. اخر خطوه هتكونو مسخنين زيت كويس جدا وحرارته عاليه تنزلي فيه الفراخ وتقومي موطيه عشان تستوي ومتكتريس حتت الفراخ ف القلي عشان الزيت ميبردش كفايه ٣ او ٤ حتت حسب حجم الحله ولازم الزيت يكون سخن جدا وغزير
  8. اوعي تقلبيها قبل ما تاخد لون دهبي عشان الطبقه متفكش
  9. الف هنا ♥️♥️
عجبتك الوصفة؟
شوف كل وصفاتنا في مكان واحد
كل الوصفات →