→ كل الوصفات

الفراخ المحشيه

#يوميات_رمضان

  • فرختين بحجم متوسط
  • الحشو :كوب ونص رز
  • بصله كبيره متقطعه
  • معلقتين سمن كبار
  • ملح وفلفل حسب الرغبه
  • ½ معلقه صغيره كاري
  • كوب ونص ميه
  • الشوربه :بصله كبيره متقطعه
  • معلقتين كبار سمن
  • 4 ورق لوري
  • ½ معلقه كبيره زعتر وروز ماري
  • ميه كافي سخنه
  • ملح
  • غسل الفراخ:نص كوب خل
  • لمونتين
  • ميه
  1. هنغسل الفراخ كويس جدا بالخل والليمون ونسيبها تتصفي خالص
  2. عالنار هنسخن طاسه وننزل فيها بالسمن وبعدين البصل هنقلبه لما يذبل خالص وبعدين ننزل بالارز المغسول والمتصفي هنقلبه لما ينشف خالص وننزل بالميه ونظبط الملح والفلفل ونغطيه لما يتشرب الميه ونقلبه كويس ونسيبه يتهوي هناخد الفراخ نحشيها ومش هنملاها اوي عشان متفتحش فالسلق ونقفلها بشنكله رجليها مع بعض
  3. فحله كبيره للسلق عالنار هنضيف السمن والبصل يدبل هننزل بالفراخ نشوحها ع الجوانب وبعدين ننزل بالميه تغطيها والتوابل ونهدي النار خالص لما تستوي نص تسويه هنضيف الملح ونسيبها تكمل تسويه بعد ٤٥ دقيقه هنشد الجناح لو انقطع يبقى استوى هنشيلها من الشوربه لصينيه الفرن هندهنها سمن وندخلها تاخد وش فشوايه الفرن وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →