→ كل الوصفات

الفراخ المدفونة في الملح 🐔🧂😋.. طريقة سهلة هتعجبك

الطبخ متعة و الاكلة الحلوة بتحب اللمة .. و انا باعمل الاكلة دي كان معايا صديقتي هدى عايزة اقول لها ميرسي على المساعدة و على الاهتمام 😘 ⚘️⚘️

  • فرخة كاملة
  • 3 كيلو ملح
  • 2 كوب ماء
  • 2 بصلة صغيرة
  • ثمرة فلفل اخضر كبيرة
  • 4 فص ثوم
  • ملح
  • ملعقة صغيرة فلفل أسود
  • 1.5 ملعقة صغيرة بهارات
  • ملعقة صغيرة بابريكا
  • ملعقة كبيرة مسطردة
  • 4 ملاعق كبيرة كاتشاب
  • زيت زيتون
  • ورق زبدة
  1. اول حاجة اغسلي الفرخة و صفيها كويس
  2. افرمي البصل و الفلفل الاخضر و الثوم مع الملح و الفلفل الأسود و البابريكا و البهارات و المسطردة
  3. ضيفي زيت زيتون حوالي ملعقتين و قلبي كويس
  4. تبلي الفرخة من جوة و من برة و تحت الجلد
  5. في بولة صغيرة على جنب قلبي الكاتشب مع معلقة زيت زيتون و ادهني الفرخة من برة
  6. بعد كدة لفيها في ورق الزبدة كويس اوي بحيث يبقى مقفول عليها من كل ناحية
  7. في بولة كبيرة حطي الملح و ضيفي المية بالتدريج و اخلطيهم لحد ما الملح يمسك في بعضه كويس
  8. غطي قاعدة الصينية بالملح و حطي الفرخة و بعدين غطيها بباقي الملح كويس اوي بحيث تبقى مقفول عليها تماما
  9. حطيها في فرن سخن حوالي الي ساعتين
  10. سيبيها تبرد شوية بعدين كسري الملح علشان هيبقى سخن اوي.. و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →