→ كل الوصفات
الفراخ المشوية البيتي اللذيذة ومعاها طبق خضار مشوي 🐓 #احنا_المصريين
المقادير
- فرخة
- 1 طماطم مبشورة
- 2 بصلية وسط مبشورين
- 0.5 جزرية مبشورة
- ملح وفلفل ورشة قرفة
- معلقة صغيرة بهارات فراخ
- 0.5 معلقة خل
- رشة ثوم بودرة
- للخضار 2 بطاطس حلقات
- بصلية كبيرة حلقات
- حوالي عدد 4كوسة حلقات
- قرنين فلفل رومي وحامي مفتوح من النص
- عدد 2 طماطم حلقات
طريقة التحضير
- اولا غسلنا الفرخة كويس اوي ونقعنها في ملح وخل لمدة ساعة ورجعنا شطفنها كويس اوي في طبق بقى نحط الطماطم والبصل والجزر والتوابل كلها ونقلبه كويس مع بعض
- وننزل بالفرخة في التتبيلة دى ونتبل الفرخة كويس بيها وندخل التتبيلة بين الجلد واللحم وندخلها جوة الفرخة وندعكها كويس بالتتبيلة دى ونسيبها كمان ساعة على الاقل ويسلام لو سيبنها اكتر
- نحطها بقى في سيخ الفرن ونقفل عليها كويس بالقفل بتاعه ونسيبها على جنب لحد ما نحضر الخضار
- في صاج بقى نجيب الخضار كله وباقي التتبيلة اللي هاتفضل في الطبق نتبل بيها الخضار ونحطه في الصاج ونحط عليه نص كباية ماء صغيرة وندخله الفرن في الرف الوسط تحت شواية الفراخ
- نشغل الشوايه بس وندخل سيخ الفرخة في الماتور الخاص بيه وتحت منه صاج الخضار لمدة ساعة او ساعة وربع تكون الفراخ بالخضار جاهزة معاكو والف هنا وشفا مطرح مايسري يمري تقدم مع رز بشعيرية او رز بسمتي واااااو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد