→ كل الوصفات

الفراخ المشويه في الفرن

كلنا بنحب الفراخ المشويه دى طريقة جميله وسهله اوي هتعجبك وكأنك جيباها من الحاتي بالظبط

  • فرخه 2 كيلو ممكن وراك أو صدور
  • 3 حبات طماطم متوسطة
  • 2 بصلة كبيرة
  • 5 فصوص ثوم كبير
  • 1 فلفل حار ولو بتحبي الشطه زودي واحد ثاني
  • ليمونة مقسومه نصفين
  • معلقة ونص ملح
  • 1/2 معلقه صغيره من كل التوابل التاليه:
  • كمون سادة
  • فلفل اسود
  • قرفة
  • 7 بهارات
  • زنجبيل
  • عود روزماري
  • عود زعتر
  • ورقتين لورا
  • 3 فصوص حبهان
  • معلقة كبيرة خل
  • لتر ونص ماء
  • قطعه فحم وقطعه فويل على شكل طبق
  • شويه زيت
  1. تغسل الفرخه جيداً هتلاقي طريقة تنضيفها عندي في النصائح 😉
  2. قطعيها اربعه قطع او ممكن تجيبيها مقطعة جاهزة من المحل 😂 وحطيها على جنب
  3. هنحط كل المقادير في الخلاط العادي ماعدا الورق اللورا ونزود ثلاث ارباع كوب ماء ونضربه كويس جداً
  4. ومش هنصفيه ومتخافيش مفيش قشر ولا حاجه هتلاقيها طالما ضربتيه كويس
  5. هنجيب شويه من التتبيله اللي في الخلاط في الخلاط ونحط شويه في قاع الصينية ونرص الفراخ ونحط الباقي على الوجه ونزود نص لتر ميه بالراحه في قاع الصينية عشان مينزلش الخلطه اللي على الوجه ونحط ورق اللورا في الماء دى ونحطها في الفرن الرف اللي تحت
  6. نبص عليها كل ربع ساعة ونزود ميه لحد ما تستوي كويس ونحطها في الشوايه ونديها اللون بتاع الشوى ونكون مولعين فحمه في قطعة الفويل ونحطها عليها ونحط شويه زيت على الفحمه ونغطيها ربع ساعة
  7. نقدمها مع رز ابيض واى نوع سلطات او خضار مطبوخ ممكن التتبيلة دي تنفع مع اجنحه الدجاج بتكون حلوة جداً وده شكلها اهى 👇🏻❤️ وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →