→ كل الوصفات

الفسيخ المصري اللذيذ 😋😋

طريقة عمل الفسيخ المصري اللذيذ 😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • سمك بوري الواحدة وزنها من كيلو لكيلو ونص
  • كيس ملح
  • معلقتين كبار اوي شطة
  • معلقتين كبار كركم
  • بمعلقة الشاي خل عشان ما يطلعش ريحة ودى اختياري
  • رشة شطة
  • رشة كركم
  • رشة ملح
  1. هنغسل خياشيم السمك كويس اووووووى وبوق السمكة من جوة ونشطف جسم السمكة من برة على الخفيف ممنوع تقشير السمك
  2. هنسيب السمك مدة 8 ساعات مقلوب الراس لتحت والديل لفوق عشان ينزل كل السوايل اللي جواه والسمكة تنشف ممكن توقفيه مصفى او ابريق بس تحطى مناديل عشان تشرب اي سوايل
  3. بعد 8 ساعات هنعمل تدليك براحه لجسم السمكة وننشف الخياشيم بمناديل كويس اوي واحرصى ان السمكة متتقطعش منك من عند البطن
  4. هنجيب الملح وعليها الشطة والكركم ونقلبهم كويس ونحشي الخياشيم وبوق السمكة لحد متتملى على الاخر وانزقى الملح اوي فالخياشيم هتدهنى من خلطة التمليح جسم السمكة براحة جداً
  5. هنرش من الخلطة شوية في كيس بلاستيك ونحط عليها السمكة وعليها رشة خفيفة من الخلطة ثاني وبعدين تحطى ملعقة الخل عشان ميطلعش ريحة
  6. ونقفل الكيس كويس جداً ونجرج منو الهوا خالص وبعدين نلف الكيس ونلف الكيس باسترتش ومنخليش هوا يدخل خالص كررى لف السمكة فاكتر من كيس وفكل مرة بنخرج الهوا من الكيس عشان ميبقاش مسمم وفي الاخر نلزق الكيس ببلاستر وكل يوم نقلب الكيس اللي فيه الفسيخة وتفتحى عليه بعد 20 يوم وبالف هنا وشفا
  7. ملحوظة انا هنا شرحت على سمكة واحدة فحالة اكتر من سمكة هنزود الملح والشطة والكركم ووقت رص الفسيخ هنحط كل سمكة عكس الثانية يعنى كل راس سمكة عند ديل السمكة اللي جمبها دا لو هيتخللو كلهم مع بعض في كيس واحد وممكن بردو تلفى كل سمكة لوحدها تفاديا ان لو لاقدر الله واحدة باظت متبوظش باقي السمك فحالة وضع ملعقة الخل ودى اختياري دى مش بتعمل حاجة غير انها بس بتخلى الفسيخ يتخلل من غير ميطلعلو ريحة وتقلب ريحة البيت وحتى لما يتفتح عليه مش هيكون ليه ريحة جامدة زي بتاعت المحلات وهيطلع معاكى زبدة ان شاء الله
  8. السمك لازم يكون جسمه ناشف الخياشيم تكون حمرا دم وعيون السمكة تكون بتلمع كل دى علامات بتدل ان السمك البورى بيكون طازجة
عجبتك الوصفة؟
شوف كل وصفاتنا في مكان واحد
كل الوصفات →