→ كل الوصفات
فطائر خفيفه وسهله جدا وأحسن من الأفران 👌
المقادير
- كيلو دقيق
- 1/2 لتر لبن رايب او قاطع بس لسه حالا طازه يعني
- كيس خميره فوريه
- كيس كيك شيف
- كوب الاربع سكر
- كوب زيت على سمنه سايحه دافيه
- معلقتين سمسم للتزيين
- معلقتين حبه سوداء للتزيين
- معلقتين سكر للتزيين
طريقة التحضير
- يوضع اللبن الرايب ف طبق ونجهز
- أخمر الخميره بربع كوب ميه دافيه ومعلقه سكر عشر دقايق
- أضف الدقيق برشه الملح والكيك شيف
- اللبن الرايب أضيف عليه مقدار السكر و الخميره المخمره والزيت بالسمنه وادوبهم ثم أضيفهم على الدقيق واقلب حتى تصير العجينه ملساء وهشه وخفيف
- لازم تتأكدي انا لمت في ايدك بس خفيفه مش تقيله
- مش بتعجن فتره اول ما تلم وتحسينها هشه ولمت كده تمام غطيها ف مكان دافى تخمر نصف ساعه
- اقطعها قرص صغيره في صينيه عاديه غير مدهونه
- اتركها عشر دقايق او ربع ساعه هاتهش هاتبقا عاليه اوخرها بشوكه ارش عليها زي ما احب حبه سودا او سمسم او سكر واغطيها واتركه خمس دقايق
- اسخن الفرن درجه حراره ١٨٠ درجه تترك في الفرن نصف ساعه او اقل بمجرد ما اشم ريحه ليها اشوفها
- تتحمر من الوش اخرجها واغطيها بقماشه مخصصه للطعام
- يبرد ويغلف ف الفريزر وكل ما تحتاجيه خرجيه لو عندك ميكروييف عادي مفيش سيبه ف الجو شويه او فرن حاجه خفيفه كده عشان مينشفش
- وبالهنا ويقدم مع الفطار جبنه مربي وشاي بلبن وجبه خفيفه للحر دا وأحسن من الأفران
- أتمنى تجربوها وتقولوا رأيكم 🌷🌷
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد