→ كل الوصفات

الفطيرة التركية الشهية 🇹🇷

وصفتنا من المطبخ التركي هتعجبكم جدا بإذن الله ❤️ ملحوظة هي بتتعمل بالفراخ بس انا حطيت فراخ وكان عندي ٣ سوسيس قطعتهم معاها كمان وطلعت روعة

  • كوب حليب دافي
  • م ك خميرة
  • م ك سكر
  • 1/4 كوب زيت
  • 2 كوب دقيق
  • م ص ملح
  • قطع صغيره بصلة متوسطة مقطعه
  • 4 صدور فراخ مكعبات
  • قطع صغيرة فلفل أحمر وأخضر وأصفر مقطع
  • جزرة مبشورة
  • ملح وفلفل اسود حسب الرغبه
  • م ص بهارات فراخ (طريقه عندي ف الوصفات)
  • م ص بابريكا
  • صفار بيضه مخفوقه
  • رشة حبة البركة
  1. في بولة هحط حليب وعليه خميره وسكر واخلطهم كويس اوي واسيبها ٥ دقايق تتفاعل
  2. وبعدين احط زيت واقلب وانزل بالملح والدقيق بالتدريج واخلط واعجن لحد ما اوصل لقوام عجينه ملساء ومتماسكة اسيبها تتخمر لمدة ٤٥ دقيقه
  3. وفي طاسة احط زيت وانزل بالبصل واقلب لحد ما يدبل و بعدين انزل بالفراخ وافضل اقلب لحد ما لونها يتغير وتبيض وانزل بعد كده بالفلفل الالوان والجزر والتوابل واقلب لحد ماتستوي (انا كان عندي ٣ سوسيس قطعتهم مكعبات ونزلت بيها عليهم وقلبت بس خطوة دي من عندي)
  4. اجيب صينيه مدهونه واحط نص العجينه عليها واحط الحشوة وأفرد نص التاني من العجينه عليها من فوق واقفل الجوانب كويس اوي و ادهن الوجه بصفار بيضه مخفوقه وارش حبه البركه عليها وادخلها الفرن تستوي وتاخد لون وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →