→ كل الوصفات

الفطيرة التركية محشية بخلطة الفاهيتا 😋💜

#يوميات_حجر 🤦‍♀️😇 الله أكبر فيزول الهمّ وينجلي الغمّ ، الله أكبر فترتاح الروح ويبتسم القلب ، الله أكبر إليه نعود فيسكُننا الفرح.....💚

  • 4 كاسات طحين أبيض
  • كاستين ماء للعجن
  • ملعقة كبيرة خميرة
  • ملعقتين حليب ناشف
  • ملعقة سكر
  • ملعقة ملح
  • ملعقة لبن كبيرة
  • فنجان صغير زيت نباتي
  • الحشوة 💚
  • 1 كغ صدر دجاج مقطع مكعبات
  • علبة فطر
  • علبة ذرة
  • كوب كبير جبنة قشقوان مبشور
  • بصلة
  • قرنين فليفلة حمرة وخضرة حارة
  • حبتين بندورة
  • ملعقة طعام ملح
  • صفار بيضة لدهن وجه الفطيرة
  • ملعقة حبة البركة
  1. بسم الله الرحمن الرحيم 🌺 بحضر العجينة بنخل الطحين وبضيف الملح والخميرة والحليب الناشف واللبن والسكر وبماء دافي بلش اعجنها اخر شي بضيف الزيت النباتي وبعجنها كتير منيح لتتشكل عجينة طرية وماتلصق بإيدي بغطيها وبشيلا بمكان دافي مدة ساعه هيك بعد ماتخمرت
  2. بلش بالحشوة بفرم البصل ولفليفلة والبندورة بشوح البصل مع لفليفلة مع نص فنجان زيت زيتون ومعلقة الملح
  3. بس يدبلو بنزل البندورة
  4. تلت دقايق بنزل صدر الدجاج وبقلبون مع بعض كتير منيح وبغطي تقريباً 7 دقايق
  5. برجع بضيف عليها علبة الفطر
  6. وعلبة الذرة وبحركون مع بعض
  7. برفع الغطاء عنها وبتركها تتنشف عالآخر
  8. باخد نصف كمية العجين وبفردها بدهن الصينية بزيت نباتي وبمد العجينة فيها وبضيف الحشوة
  9. والجبنة المبشورة على وجه الحشوة
  10. بفرد نص كمية العجين وبغطي الحشوة فيها وبحكم الأطراف بالشوكة
  11. بدهن الوجه بصفار البيضة وبرش حبة البركة عالوجه
  12. بكون محماية الفرن بحطا على الرف السفلي بس تتحمر من تحت برفعها لفوق وبشغل الفرن من فوق يتحمر الوجه
  13. فطيرة شهية وتستاهل التجربة بالصحه والهنا على قلبكم 😘💖
عجبتك الوصفة؟
شوف كل وصفاتنا في مكان واحد
كل الوصفات →