→ كل الوصفات
بحشوه بسيطه جداً 😋👌
المقادير
- 0.5 ك دقيق
- كوب لبن
- 3/1 كوب ماء
- 2 بيضه واحده داخل العجين والتانيه على الوجه
- 0.25 كوب زيت
- كيس خميره
- معلقه سكر
- 0.25 معلقه ملح
- معلقه حبه البركه
طريقة التحضير
- نحضر الدقيق ونحط عليه المكونات الجافه ونقلبهم
- وبعد كده المواد السائله كلهم على الدقيق
- ملحوظه العجينه دى لازم تكون سائلة شبه لقمه القاضي بس دى سميكه شويه.. بعد ماضيفت المكونات وقلبتها كويس يكون العجين بالشكل دا
- وبعد كده اسيبها ترتاح واغطيها لحد ماتخمر وبعد كده اجيب الصينيه تكون اكبر مقاس وادهنها زيت واكون مشغله الفرن واضيف في الصينيه حوالي نص الكميه هتبقى متعبه في الفرد شويه هبل ايدى بشويه ماء هتتفرد على طول وبعدين اضيف الحشو زي ماتحبى انا ضفت لانشون بالبسطرمه وجبنه موتزاريلا وانزل بباقي الخليط واساوى براحه وانا بله ايدى ماء
- واسيبها ترتاح شويه وادهنها البيضه التانيه مع حبه لبن صغيرين وربع ملعقة خل واقلب وادهنها الوجه واضيف حبه البركه او سمسم وادخلها الفرن لحد ماتحمر من فوق ومن تحت واغطيها بفوطه نضيفه واقطعها لما تبرد
- طعمها جنااااان جربوها تحفه بجد وهتعجب الولاد جداً
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد