→ كل الوصفات
زي بتاع برة بالظبط ومورق كمان
المقادير
- 2 كوب دقيق
- كوب ونصف ماء
- معلقة صغيرة ملح
- معلقة صغيرة سكر
- قليل زيت, للدهن
- 0.5 كيلو بسطرمة, او سجق, او سوسيس
- 0.5 كيلو جبنة موتزاريلا ورومي, مفروم
- 2 كوب زيتون وفلفل ملون وطماطم
طريقة التحضير
- اخلط السكر والدقيق والملح والماء مع بعض في العجان, مدة لا تقل عن 10 دقائق
- ولو مفيش عجان, نعجن على ايدينا عادي, بس مده اطول شويه لحتى نلاقي العجينه لمت وبقت لينه كده
- ونقطع العجين قطع متساوية اد البرتقاله الصغيرة. وندهن الطبق اللي هنحط فيه العجين بالزيت. وندهن الكور بردو بالزيت. ونسيبها نص ساعة ترتاح
- ندهن المكان اللي هنفرد عليه العجين بالزيت. ونجيب اول كورة ونفردها, لحد ما تبقي رقيقه خالص معانا
- نجيب قطعه تانيه نفردها ونحطها على العجينه الاولى. ونفردهم مع بعض, عشان تعمل توريقه حلوة
- ونحشي ونقفلها وتبقى زي شكل الفطير بالظبط.ونحاول بإدينا نفردها كويس. وهكذا حتى نهايه الكميه
- نجيب طاسه ندهنا زيت ونحطها على نار متوسطة.ولما تسخن, نحط العجين عليها مده مش اقل من 3 دقائق, على اول وجه. وبعد كده نقلب لحد ما تأخذ لون كده بني شويه, يعني لما تغير لونها. وبالهنا والشفا
- ملحوظه : كل ما العجين كميته زادت, كل ما الفطيرة تبقي كبيرة وواسعه. انا جربت بس كميه صغيرة, عشان اجرب الطريقه. والحمد لله طلعت تحفة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد