→ كل الوصفات
طريقة عمل الفطير الفلاحي المشلتت بالزبدة الفلاحي بتكاته وحركاته وأسراره سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق (هنعملهم فطيرتين كبار)
- معلقتين كبيرة سكر
- ½ معلقة صغيرة ملح
- كوب ماء من الثلاجة أو الحنفية
- 300 جرام زبدة فلاحي مرملة بدرجة حرارة الغرفة
- 100 جرام زيت
طريقة التحضير
- هندوب الملح والسكر كويس في كباية الماء وهنبدأ نضيف الماء بالتدريج على الدقيق ونعجنه لحد ما العجين يمسك نفسه ويبقى مطاطي وبعدين نعمله كورة واحدة ونغطيه بكيس خفيف ونتركه يرتاح لمدة ساعة
- هنقطع العجين ٦ كور متساوية وندهنهم زيت ونتركه لمدة ساعة كمان يرتاح
- على رخامة أو صينية هنفرد أول كورة بأطراف أصابعنا من النص للأطراف ولو حد يقدر يهوي العجينة من غير ما تتقطع منه يبقى أفضل وندهن وجه العجينة بالسمنة وبعدين نطبقها فوق بعضها زي ما بنطبق الهدوم بالظبط وبين كل تطبيقة هندهن سمنة ونركن اول كورة اتفردت واتطبقت بالسمنة على جنب والكورة الثانية هنفردها وندهنها سمنة ونحط في نصها الكورة الأولي اللي طبقناها ونطبق الثانية عليها مع دهان سمنة بين الطبقات قبل تطبيقها ونفرد الكورة الثالثة ونحط الاتنين اللي فاتوا في النص ونطبق عليهم وبردو مع السمنة
- كده احنا خلصنا من أول فطيرة ونعمل الثانية بنفس الطريقة اللي سبق وعملناها ونكون مسخنين الفرن على درجة حرارة ٢٢٠ من بداية الفرد عشان الفطير بيحب النار العالية وندهن الصينية زيت وندخل الصينية في الرف الأوسط وناخد بالنا لحد ما تحمر من تحت نقوم نولع فوق ونديها وجه تحمير وناخد بالنا انها بتأخذ لون من فوق بسرعة عشان كده لازم تكون احمرت من تحت كويس
- كده الفطير خلص وبالهنا والشفا
- ملاحظات مهمة أولا في مرحلة العجن مش عايزين نعجن الدقيق وقت كتير ثانيا الماء متبقاش دافية ثالثا لازم لازم العجين يرتاح أكبر وقت رابعا اثناء الفرد هنستخدم اطراف اصابعنا وبلاش كفتةالايد او النشابة عشان ميتكتمش ونفرد بالراحة خامسا لازم الفرن يبقى درجة حرارته عالية وندهن وجه الفطيرة زبدة او سمنة بلدي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد