→ كل الوصفات
طريقة عمل الفطير المشلتت (الجامبو) 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 كوب دقيق
- ميه حسب العجن
- 1/2 معلقه صغيره ملح
- معلقه كبيره سكر
- للفرد كوب سمن
طريقة التحضير
- فبولة غويطه هنضيف الدقيق والسكر والملح واضيف الميه شويه واعجنه
- وشويه واعجن لما تتلم معايا العجينة مش بتلزق ودايما بحب أضيف الميه شويه بشويه فالعجن عشان مزودش ميه وارجع أزيد دقيق والوصفه تبوظ
- هنضيف سمن عليه ونوزعه من فوق واقطع العجين قد البيضه وارصه على صينيه مدهونه سمن واخليه يرتاح ١٠ دقايق لسهوله الفرد بعد كدا
- هحضر جمبي السمن والصينيه إلى هفرد عليها هاخد اول كوره قطعتها وابدا افردها
- وافردها لآخر سمك فيها ادهنها سمن واطبق بين كل طبقه هطبقها هدهنها
- وهكذا اطبق وادهنها وده لتوريق الفطيره لما ترجع مربع صغير كدا
- هلمه بصوابعي من الأطراف تحت لما يرجع كوره صغيره زي الصوره هنقلبها واخليها على جمب وافرد كوره تاني
- لآخر سمك فيها وادهنها سمن واخد الكوره إلى على جمب احطها فالنص كدا واطبق عليها العجين بعد دهنه بالسمن
- وهكذا لما تتقفل عليها خالص والمها من تحت وتتكون كوره
- واخليها على جمب واعمل واحده تاني وهكذا نفس الخطوات لحد ١٢ كوره واخر اتنين هفرد واحده
- واضيف عليها سمن وكوره تاني وافرهم مع بعض عشان تتفرد أكبر وتغطيلي الكوره الكبيره
- بعد الفرد هضيف الكوره الكبيره كدا وادهنها واقفل عليها
- من كل الجوانب واقلبها على الوش إلى فيه الأطراف وادهنها واخليها ترتاح ١٠ دقايق لسهوله فردها وبعدين هنفردها
- و تملي الصينيه بالشكل ده وعالوش هنضيف سمن بسيط وندخلها فرن عالي شغال وشوايه حوالي عشر دقايق هنطلعها اوزع عالوش ميه وتدخل الفرن تاني وهو سخن دقيقتين وتطلع تتقدم مع العسل وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد