→ كل الوصفات
للامانه انا ضفت صور طريقه صاحبه الوصفه
المقادير
- 1/2 معلقه ملح صغيرة
- كوبين دقيق لعمل فطيره
- كوب ماء
- معلقتين سكر كبار
- ذره بيكنج بودر تضاف في السمنه
- 1/4 كوب سمن انا عملتها بسمن مش بزبده
طريقة التحضير
- في البدايه بضيف المكونات الجافه واقلبهم وبعد كده اضيف الماء بالتدريج لحد ماتلم العجين معايا
- هنترك العجين ربع ساعة ترتاح
- هنفرد العجينه مربع وندهنها بالزبده كلها
- هنجي من الجنب اليمين ونقطعها من الجناب ٤ شرطات شرطه اتنين ثلاثة اربعه ٤ مرات ومن الجنب الشمال كذلك ٤ شرطات زيهم
- هنبدا بقي نمسك اول شرطه اتقطعت نطبقها على نص العجين والشرطه اللي قصادها نطبقها على نص العجين
- هنقلبها ونقفل عليها كده ونرجع نكرر الخطوات لحد مانخلص العجينه
- هنقلب العجينه على ظهرها وندهنها ونبدا نطبقها لحد مانخليها كوره نحطها في صينيه مدهونه ونتركها ترتاح ربع ساعة
- بعد الربع ساعة نبدأ نفردها ومش نرفعها اوي خليها حجم وسط
- هتكوني مسخنه الفرن على درجه حراره عاليه جداً وتدخلي الفطيره ربع ساعة وهتستوي وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد