→ كل الوصفات
#النمليه #الشيف_الذهبي
المقادير
- كيلو دقيق
- ماء للعجن
- معلقة كبيره سكر
- معلقة كبيره بيكنج بودر
- رشة ملح
طريقة التحضير
- في طبق ضيفي الدقيق والملح والسكر والبيكنج بودر وقلبيهم مع بعض لحد ما يختلطو
- ضيفي ماء تدريجيا مع العجن المستمر لحد ما العجينه تلم معاكي
- اعجنيها لمدة عشر دقائق او اكتر لحد ما تكون عحينه ناعمة الملمس
- ادهني رخامة المطبخ زيت وقطعي العجينه لكورات حسب حجم الفطيره اللي تحتاجيها
- سيبي الكورات ترتاح لمدة نص ساعة
- افردي كرات العجين ورققيها من جوة لبره لحد ما تكون شفافه
- ادهني بالسمنه البلدي المذابه وممكن تستخدمي سمنه على زيت
- طبقي العجين وبين كل طبقة ادهني سمنه مذابه لحد ما تلميها كوره تاني وسيبيها ترتاح لحد ما تخلصي كل الكميه
- ولعي الفرن على درجة حرارة ٢٢٠ وسخنيه جامد
- حطي الفطيرة في صينيه على الجنب اللي لمتيه وخلي المتساوي من فوق بططي الفطيره لحد ما تتفرد وتملي الصينيه ودخليها الفرن لحد ما تأخذ لون من تحت وتتنفخ افتحي عليها الشواية تأخذ لون ذهبي
- خرجبها وغطيها بفوطه على طول علشان تفضل طريه ومتنشفش وقدميها مع جبنة وعسل والف هنا❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد