→ كل الوصفات
حكايتى مع الفطير المشلتت انى اول متعلمت اعمله مكنتش بعرف اخليه مدور ابداا كان ديما بيطلع معايا مربعات وفى النهاية اكتشفت أنه عشان يدور لازم اسيبه يرتاح على الاقل نص ساعة مهما كان مكعبل ومش مظبوط اللينك
المقادير
- كيلو دقيق
- معلقة صغيرة ملح
- معلقة كبيرة زبدة
- ماء ساقع جدا ويفضل لو كان فيه ثلج
- كمية من الزبدة والسمنة البلدى أو ممكن نكتفى بالزبدة
طريقة التحضير
- نضع الدقيق والملح والزبدة ونعجن بالماء الساقع عجينة مفتوحة
- نسيب العجينة ترتاح من نص ساعة لساعة
- فحين سيبنا العجينة ترتاح نحط الزبدة والسمنة فبولة ونضربهم بالمضرب الكهربائي لحد متبقي قوامها شبه قوام الكريم شانتيه
- بعد مالعجين يرتاح نفرده على شكل مستطيل بسمك نص سم وندهنه بخليط الزبدة والسمنة بعد مضربته بالمضرب زى مبندهن السينابون
- ونلفه رول من الأطراف ونلف جزء ونكبسه للخلف تانى عشان نخر ج الهوا منه تماما وهكذا إلى أن يكمل الرول
- نقطعه الى قطع كبيرة ونرصه فصينية مدهونة زيت وزغطيه بكيس أو باسترتش ويوضع فىلتلاجة مدة لا تقل عن ٤ ساعات ويفضل من بليل للصبح
- اول مطلع العجين من التلاجة ابدأ افرده حيتفرد بكل سهولة ويبقي زى الفل ممكن يتعمل فطائر صغيرة وممكن يتعمل كذا طبقة فوق بعض كفطيرة مشلتتة كبيرة مع مراعاة دهن بين كل طبقة والتانية واخر طبقة تدهن دهنة سمنة وتغرز بالقشطة لاحمرار الوجه
- ويسوى فى فرن عالى متسخن قبلها بربع ساعة ويفضل كيلو الدقيق يتعمل فطيتين كبار يعنى نص كيلو دقيق فطيرة واحدة كبيرة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد