→ كل الوصفات
طريقة عمل الفطير المشلتت بالخطوات خطوه خطوه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- العجينه :كيلو ونص دقيق
- 3 كوب ميه ونص كوب أن احتاج
- معلقه كبيره سكر
- 1/2 معلقه صغيره ملح
- 1/2 كيلو زبده على زيت
- التزيين :سكر بودره
- عسل حسب الرغبه
طريقة التحضير
- فبوله غويطه هنضيف الدقيق والملح السكر وهنضيف ليهم الميه ونلم العجين كويس جدا جدا وبعد ماتتلم هنعجنها حوالي ٣ دقايق تاني ونسيبها ترتاح عشر دقايق
- هنضيف فصينيه ربع كوب من الزيت والسمن وهنشكل العجين كور صغيره ونغلفها بالزبده ونرصهم جمب بعض هنغطيهم بكيس ونسيبها ترتاح مش اقل من ربع ساعه لسهوله الفرد والتشكيل
- هنضيف فصينيه الفرد بسيط من الزبده ونضيف ليها كوره من العجين ونفردها
- هنفردها خالص ونوزع عليها سمن ونطبقها ونضيف زبده ونطبقها
- لما تتلم معانا من تاني كوره بس هتكون مورقه من جوا هنسيبها على جمب ونفرد واحده كمان ونضيف ليها الكوره إلى سيبناها على جمب
- هنطبق عليها ونمشي نفس الخطوات بنفس الشكل وهنزود كورتين كمان بنفس الطريقه جواهم
- لما هتكون كوره بالحجم ده هنسيبها ترتاح على مانحضر فطيره تاني بنفس الخطوات تاني بعدين هنفردها هتكون ارتاحت وتبقى سهله فالفرد
- هنسخن الفرن فرن وشوايه على نار عالي وندخلها هتستوي وتتحمر هتطلع من النار نرش عليها بسيط من الميه عالوش ونغطيها ونسيبها خمس دقايق ويتقدم مع عسل النحل أو العسل والطحينه وبالهنا ✋💪
- ولحفظ الفطير حوالي اسبوعين يغلف باسترتش ويحفظ فالفريزر ووقت الاستخدام هيخرج يهدي شويه وبعدين هنضيفه فصينيه ونغطيها بالفويل ونسخنه خمس دقايق وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد