→ كل الوصفات

الفطير المشلتت بالمهلبيه والسكر

الفطير المشلتت الحلو بمكونات موجوده في البيت

  • 3 كوب دقيق
  • معلقه سكر
  • 2/1 معلقه صغيرة ملح
  • كوب ماء فاترة
  1. اول حاجه في بوله هنحط الدقيق و السكر و الملح و نبدأ نضيف الماء حبه حبه على حسب ماالدقيق يحتاج و العجينه تتلم معانا
  2. بعد كده هنبدا نعجن العجينه كويس جداً لغايه لما تبقي ناعمه و بتتفرد بسهوله العجن مهم جداً للعجينه
  3. بعد كده هنلم العجينه و ندهنها زيت و نسيبها ترتاح و بعد اما ترتاح هنقطع العجينه كور قد بعض و نكورهم و نسيبهم يرتاحوا شوية و اهم حاجه نكون داهنين المكان الى هنحط فيه الكور بسمنه او زيت و سمنه (المادة الدهنية)
  4. بعد كده هنأخذ اول كورة ارتاحت معايا و نفردها من جوه لبره كده
  5. اهم حاجه ان احنا نفرد كويس عشان تبقي مورقه و ندهن بالمادة الدهنيه و لو اتقطعت عادي احنا هنلمها تاني
  6. بعد كده هنقفلها على شكل ظرف كده و نلمها تاني كورة و نسيبها ترتاح و نعمل باقي الكمية و نجيب تاني كورة و نفردها برضو زي الاولى و نسيبها ترتاح و بعد كده نجيب الكورة الى فردناها و كورناها و نفردها و نحط عليها الكورة التانيه و نفردهم مع بعض و نكورهم تاني
  7. الخطوات الى بنعملها دي هنلاقي الفطير معانا مورق و جميل جداً بعد كده نجيبها و نفردها بس المره دي خلي بالك متتقطعش و نحط فيها المهلبيه اهم حاجه المهلبيه تكون جامده شوية مسكه نفسها عشان لما تدخل الفرن
  8. ونقفل بقي الفطيرة و نحطها في الصينية تكون مدهونه زيت و الفرن سخن على درجه حراره 180 بتقعد في الفرن من 20 ل ٣٠ دقيقه
عجبتك الوصفة؟
شوف كل وصفاتنا في مكان واحد
كل الوصفات →