→ كل الوصفات
طريقة عمل الفطير المشلتت بطريقة مفيش اسهل من كده 🏻🏻 في البيت بخطوات سهلة. المقادير: 2 كيلو دقيق، معلقة ملح صغيره، 3 ملاعق صغيره سكر، 1/4 كيلو زبده علي زيت وغيرها.
المقادير
- 2 كيلو دقيق
- معلقة ملح صغيره
- 3 ملاعق صغيره سكر
- 1/4 كيلو زبده علي زيت
- مياه للعجن تبع نوع الدقيق بيختلف من نوع لاخر
طريقة التحضير
- نخلت الدقيق وحطيت فوقه الملح والسكر وجبت مياه للعجن دافيه وعجنت لمده ١٠ دقائق لحد ما بقت العجينه ناعمه وطريه مش بتلزق في الايد عشان لما افردها تبقي طريه متتعبنيش وسبتها ترتاح ساعه او اقل
- كورت العجين كور بحجم البيضه وادهن ايدي زيت وانا بكور وبعدين اسيح الزبده يدوب تسيح واحط فوقها الزيت واحط سبعي في الزبده يدوب ايدي تتحمل السخونيه هحط قد ١٠ كور او اقل في الزبده دا هيخلي كور العجين تتفرد معايا بسرعه واول ماتتفرد هركنها جمبي وعادي جدا لو اتقطعت مني متقلقوش واحط كل كوره افردها فوق بعض لحد انا قسمتهم ٢ كيلو علي خمس فطيرات كبار عشان ميبقاش فاضي انا عيزاه مليانه طبقات من جوه وتبع زوق كل واحد
- وبعدين ارصص فوق بعض تقريبا كل فطيره تاخد قد ٢٠ كوره وبعدين ادهن الصنيه واحط فيها الي انا بطته بس ادخل طروف الفطير تحتها اتنيها تحت الفطيره عشان تطلع متماسكه مش مفككه
- وبعدين اسيبها ترتاح لحد ما اخلص كمية العجين الي معايا واشغل الفرن علي درجة حراره عاليه اول ما يسخن اوي الفطير بيتخبز علي درجة حراره عاليه ابطط اول صنيه ابتديت بيها بس مش اوي عشان تبقي مفروده في الصنيه وارش علي وشها معلقتين زبده وادخلها الفرن علي درجة حراره عاليه اول ماتحمر من الارضيه اشغل الشوايه اول ماتحمر اخرجها ولازم تتخبز علي الشبكه في الرف الي في الوسط
- واللهي احلي من الفطير الجاهز وعملاه بايدي اضمن من بره ياريت نسهل علي نفسنا كل حاجه ونعمل كل الي نقدر عليه في بيتنا انضف بكتير صدقوني وعارفين بناكل اولادنا ايه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد