→ كل الوصفات

الفطير المشلتت على اصوله

#الشيف_الذهبي وبعد تجربة عدة طرق ملقتش نتيجة احسن من الطريقه ديه حقيقي حاجه عظمة

  • كيلو دقيق متعددة الاستخدامات
  • كوباتين ونص ماء ساقعه
  • رشة ملح
  • زبدة نيوزلندي او تونسي او سمنه بلدي
  • م ك سكر
  • قشطة
  1. هنحط كيلو الدقيق عليه الملح والسكر ونقلبهم كويس مع بعض وبعد كده ننزل بس ننزل بالتدريج لان كل نوعية دقيق بتختلف عن الثانية فممكن مش نحتاج كل كمية الماء. في طريقة العجن احنا يذوب بنلم المكونات وندمجهم كويس لحد ما نوصل لقوام العجينة الطريه اللي بتلزق بسيط او الطرية اللي مش بتلزق الفطير مدة عجنها بالعجان ٦ دقائق كده بعد العجن نغطيهها ونسبها ترتاح ١٠ دقائق بالظبط
  2. بعد كده بنكورها كور صغيرة او على حسب الحجم اللي انتي عاوزاه ونحاول نخليها متساوية ونغطيها ونسبها ترتاح ١٠ دقائق
  3. بعد كده بنبدا نفرد كرة كرة بالزبدة او السمنه ويكونوه بدرجه حرارة الغرفه ونفرد بايدينا براحة عشان مش تتقطع لحد ما يكون طبقة عجين رفيعه جداً ونعمل كده في كل الكور ونحط الطبقات ديه فوق بعض في الصينيه اللي هتسوي فيها والفطيرة بتأخذ من ٥ طبقات لحد ٢٥ طبقه في على حسب انتي عاوزاها اد اي
  4. بعد الخطوة ديه بنلم الطبقات ونظبط الديرة صغيرة زاي ما بتقفلي صينية الجلاش كده ونسبها قبل التسوية نص ساعة بالظبط وبعد كده بتفرديها بايدك على حسب حجم الصينية المهم السمك يكون مظبوط وخليها على فرن سخن والحرارة بتاع التسوية من ٢٠٠ لحد ٢٨٠ واللي مش عارف يظبط الحرارة هو اعلي درجه والوش بندهنه بالقشطة
  5. عشان تتطلع معاكي طرية ومورقة واحسن من اللي بره محتاجه تخلي بالك من حرارة الفرن وتبعيها وتدخل على فرن سخن اووي الدقيق يكون متعدد الاستخدام. الماء تكون ساقعه عشان تساعد على ان العجين يكون بيمط ومڜ يتقطع منك في الفرد. ومحتاجه خليط من الزبدة النيوزلندي على التونسي لاحسن طعم الزبدة او السمنة بحرارة الفرن العجين ترتاح في اي مرحله وتكون متغطية الفطير اللي عملته كان من ٦ ل ٨ طبڨات بس الكيلو عمل ٤ فطائر في صينية مقاسها ٣٠
عجبتك الوصفة؟
شوف كل وصفاتنا في مكان واحد
كل الوصفات →