→ كل الوصفات
طريقة عمل الفطير المشلتت في الطاسة في البيت بخطوات سهلة. المقادير: ك دقيق، معلقة كبيرة سكر، رشة ملح، مياه دافئة (حسب الدقيق ما يلم) وغيرها.
المقادير
- ك دقيق
- معلقة كبيرة سكر
- رشة ملح
- مياه دافئة (حسب الدقيق ما يلم)
- سمنة على زيت للفرد
طريقة التحضير
- اول حاجة هنجيب الدقيق و نضيف عليه السكر و الملح ونقلبهم مع بعض بعد كده نضيف كوبين ماء 💦 دافئ و نلم العجينه
- العجينة لازم يكون فيها تلزيقه بسيطة... بعد كده نرش على الرخامه دقيق ونعجنها كويس جداااااا لمدة 10 دقائق علشان لحد ماتلاقي العجينه لينه كده
- نكور العجينة و نسبها ترتاح ساعة كامله
- بعد كده نكون مسيحين السمنة مع الزيت و نبدأ نغرز العجينه في السمنة و نفرد على الرخامة لحد ما تبقي رقيقة جداااااا
- بعد ما نفرد ندهن شوية سمنه و نطبق العجينة على بعض وبين كل طبقه ندهن شوية صغيرين سمنة علشان تبقي مورقه
- و تاني كورة نفردها و نحط اول واحدة جواها ونطبق عليها.. انا بعملها ب 3 كور بتبقي جميلة لو حابين تعملوها كبيرة زودوا عدد طبقات
- بعد ما نخلص فرد و تطبيق بنسيب العجينة ترتاح لمدة ساعة تاني و بعد كده بنجيب طاسة تيفال ونحطها على نار هادية ونفرد فيها الفطيرة و نغطيها او ما تلاقي الفطيرة نفخت اقلبيها على الوجه التاني
- بس كده خلصنا الفطير و يارب تكون الطريقة عجبتكوا... هستنا تجاربكوا للفطير و رأيكوا 💜💕
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد