→ كل الوصفات
#اطباق_سريعة
المقادير
- كيلو دقيق
- ماء حسب العجين
- معلقه صغيره ملح
- معلقه كبيره سكر
- 1/2 كيلو سمنه تقريبا
طريقة التحضير
- في العجان هنحط الدقيق والملح والسكر ونشغله على درجه هاديه
- ننزل بالماء حبه حبه مع استمرار التشغيل
- واستمرار الماء مع التشغيل لحد مانوصل بعجينه فطير طريه وفيها تلزيقه بسيطه
- هسيبها ترتاح وبعد ربع ساعة اعملها كور صغيرة واسيبها ترتاح تاني
- اجي اخد أو كوره الكور هتبقى بحجم البيضه أفردها كويس اوي ادهنها سمنه أو زبده حسب إلى هستخدمه واطبقها وبين كل تطبيقه نحط سمنه لحد ماترجع كوره تاني صغيرة
- هعمل واحده تاني وافرها وادهنها واحط إلاولي فنص التانيه واقفل عليها وانا بقفل برضه بين كل تانيه ندهن سمنه وهكذا لحد ٥ كور كل واحد تتعمل تتحط فقلب التانيه والاخيره هنساويها وتبقى كوره كبيره
- هحطها في الصينيه واسيبها ترتاح على مااكمل باقي المقدار على نفس النظام الكيلو هيعمل ٤مرتاح مقاس ٣٠
- اسخن الفرن فرن ووشوايه وافرد اول واحده انا عملتها بحجم الصينيه وادخلها في الفرن تستوي اول ماتخرج ساخنه تأخذ رشه ماء بسيطه على الوجه
- هنغطي الفطير كويس خمس دقائق ونسيبه وكل مااستوي واطلع واحده اعمل كدا لحد انتهاء الكميه وبكدا. هيبقى فطير مورق وتحفه وبالهنا 🤗🥰بطريقه سهله وبسيطه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد