→ كل الوصفات
#الشيف_الذهبي #مطبخ_شيمو #طريقة_ست_الحبايب😍😉
المقادير
- 1 ونص كيلو دقيق
- 1 م ص ملح
- 2 ونص ملعقة صغيرة سكر
- ماء دافئ للعجن
- 1/4 ك زبدة
- 4 م ك قشطة
- للتقديم 😉
- جبنة قديمة من المش
- طحينة
- طماطم
- عسل ابيض
- عسل اسمر
- جرجير
طريقة التحضير
- اول خطوة نجهز العجينة ننخل الدقيق و نرش السكر و نذوب الملح في كباية المياه الدافية و نعجن و نزود مياه كل ما نحتاج مش ننزل بكمية كبيرة غلط ننزل شوية شوية بالمياة و لما تلاقى العجينة لمت نعجن فيها حوالي ١٠ دقائق و ممكن بالعجان
- و نتركها ترتاح لمدة ساعة ثم نقرصها الكيلو و نص دقيق عملوا معايا ٤فطيرات حجمهم حلو اوي في انا بعمل كل فطيرة كورتين هقسم كور العجين و افردها على زيت و اتركيها ترتاح ساعة كمان
- الخطوة الثالثة هبدأ افرد كورة الاولى و ارققها تماما انا بفرد على دقيق و اضع الزبدة عليها و ألفها زي الشكل الى في الصورة و أضعها على جنب افرد كورة أخرى و اضع الاولى داخل الثانية و ألفها و أضعها في صينية و اتركها ترتاح لمدة ساعة
- اخر خطوة نفرد الفطيرة في الصينية و هتلاقيها بعد مراحل الثلاثة بتتفرد بسهولة و دا اهم حاجة و ادهن الوجه زبدة و قشطة و ادخلها فرن سخن حامي جداً على أعلى درجة وجه و أرضية مع بعض لمدة ١٠ الى ١٣ دقيقة لحد ما تلاقى الوجه و الأرضية بتاعت الفطيرة اخدت اللون الذهبي المحمر و التركة اول ما يطلع نرش مياه خفية على وجه الفطيرة و نغطيها 😉
- نجهز العسل الاسمر و نرش عليه طحينة و نجهز العسل الابيض و ممكن نضع عليه حبة البركة و نجهز الجرجير الاخضر و نحضر الجبنة المش بالطماطم و الطحينة و نقدم الفطير سخن و ممكن تضعيها في الفريزر و تطلعية في اي وقت و تدخلية فرن حامي يسخن و بالهنا 😘😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد