→ كل الوصفات

الفطير المشلتت

#وصفات_الشتاء #سهله_اوي

  • كيلو دقيق
  • كوب سمن
  • ميه
  • معلقه كبيره سكر
  • ½ معلقه صغيره ملح
  1. فبوله كبيره هنضيف الدقيق والسكر والملح ونقلبهم كويس
  2. هنعجنهم بالميه ونلم العجينه طريه ومش ملزقه ونسيبها ترتاح
  3. هنقطع العجينه ل ١٥ كوره صغيره ونسيبها ترتاح تاني عشان تتفرد كويس معايا
  4. هنجيب صينيه كبيره وندهنها سمن ونجيب كوره من العجين ونفردها حلو اوي وندهنها سمن ونلمها ع بعض وكل حته هنلمها هندهنها سمن بسيط لما تتلم كوره تاني وهكذا فالتانيه بس قبل ما نلم التانيه هنحط الأولى جواها والتالته نفس الشئ قبل ما نلمها هنحط إلى عملناه جواها ونلمها عليه واحنا بنلمها هنحط سمن عشان تفضل مورقه وهنسيب الكوره ديه على جمب تهدي
  5. وناخد كوره تاني ونعمل نفس الشئ من جديد يعني كل ٣ كور جوا بعض هيطلع لنا فطيره ونسيبها على جمب لحد مانخلص ال ٥ فطيرات
  6. هنجيب صينيه فرن ونشغل الفرن عالي فرن وشوايه وندهنها سمن ونفرد اول واحده عملناها فالصينيه وندخلها الفرن تستوي وتتحط قريبه من النار من تحت لما يحمر الوش نرفع بطرف معلقه خشب من تحت لو احمرت تبقى تمام وتحمر من الوش وبالهنا ✋💪
عجبتك الوصفة؟
شوف كل وصفاتنا في مكان واحد
كل الوصفات →