→ كل الوصفات

الفطير المشلتت 👌

طريقة عمل الفطير المشلتت 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 6 كوب دقيق
  • 1/2 معلقه صغيره ملح
  • معلقه صغيره سكر
  • ميه حسب الاحتياج
  • كوب سمن
  1. في بوله هنضيف الدقيق مع الملح والسكر ونقلبهم كويس اوي
  2. هنضيف الميه شويه بشويه ونلم العجينه لما تتكون عجينه طريه فيها تلزيقه صغيره اوي
  3. هنقسم العجين كور بحجم البيضه هندهن صينيه سمن ونرصهم عليها ونخليهم يرتاحوا حوالي ١٥ دقيقه
  4. هنحضر صينيه نفرد عليها الفطير هنقسم عدد الكور على نصين هيطلعوا قطرتين مقاس ٣٠ وهندهن الصينيه سمن بسيط ونفرد اول كوره وندهنها سمن ونطبقها وبين كل تطبيقه والتانيه هندهنها سمن لما ترجع كوره تاني
  5. هناخد كوره تاني ونفردها وندهنها سمن ونضيف الكوره الاولي فالنص ونطبق عليها الكوره المفروده وبين كل طبقه والتانيه هندهنها سمن وترجع كوره تاني كبيره شويه
  6. ونفرد كوره تالت وندهنها ونضيف الكوره الكبيره شويه الي فردناهم فبعض فالنص ونطبق عليها وبين كل تطبيقه والتانيه مسحة سمن وهكذا لانتهاء عدد الكور المحدد لكل فطيره وبعد ماتخلص
  7. هندهن صينيه الفرن سمن كويس ونضيف فيها الفطيره على هيئه كوره كبيره ونخليها فنص الصينيه ونخليها ترتاح على مانخلص التانيه
  8. هنفردها وهندهن الوش سمن وندخلها الفرن متسخن فرن وشوايه على حراره ٢٢٠ تستوي وتحمر الوش نطلعها نديها رشه ميه بسيطه ونغطيها وطبعا التانيه نفس القصه وبعد خمس دقايق
  9. نشيل الغطا هتلاقوها طريه وتحفة تتقدم سخنه مع العسل والجبنة وبالهنا 👌💪
عجبتك الوصفة؟
شوف كل وصفاتنا في مكان واحد
كل الوصفات →