→ كل الوصفات
طريقة عمل الفطير المشلتت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 _نص كيلو دقيق
- 2 -معلقة سكر
- 3 -معلقة ملح
- 4 -معلقتين زيت
- 5-0.5 كوباية زبدة
طريقة التحضير
- نخلط الدقيق والملح والسكر ومعلقتين الزيت وننزل عليهم بماية دافئة تدريجى لحد مالعجينة تتماسك معانا ومتلزقش فى ايدك بعد كدة ناخدها على رخامة ونعجن فيها ربع ساعة لحد ماتبقي عجينة لينة بعد كدة نسبها ترتاح من ساعة لساعتين نغطيها ونسبها
- بعد ماسبناها تترتاح ساعتين ناخدها على رخامة ونفرد فيها بادينا والنشابة لحد ماتفرد معانا بس ماتتقطعش ونفرد عليها زبده كلها وبعد كدة نلفها رول ونقطعها على حسب مانتو عايزين حجم الفطيرة وندهنهم زيت ونسبهم نص ساعة يرتاحو
- بعد كدة هنفرد الفطير بالزيت عشان تبقي سهلة معانا فى الفرد بس من غير ماتتقطعش مننا عشان الفطير يورق معانا وبعد كدة نلمها على شكل كورة ونعمل كدة فى كل الى معانا وبعد مانخلص نسبهم عشر دقايق يرتاحو ونحطهم فى صنية ونفردهم بايدنا بالراحة من جوة لبرة كدةوندهنهم زبده وندخلهم الفرن ونفتح عليهم من فوق ومن تحت لحد مايستوى ووشه يحمر معانا
- أهم خطوة اننا نريح العجين كويس اوى عشان يورق معانا كويس وكمان ميتقطعش مننا وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد