→ كل الوصفات
#وصفات_بالبني #الشيف_الذهبي
المقادير
- 1 كيلو حمص منقوع يوم كامل
- 2 بصلة صغيرة أو متوسطة
- ¼ حزمة /باقة بقدونس
- ¼ حزمة /باقة كزبرة خضراء
- ¼ حزمة /باقة كرات
- 1 ملعقة صغيرة ملح
- 1 ملعقة صغيرة فلفل أسود
- ½ ملعقة صغيرة كزبرة ناشفة/يابسة
- ½ ملعقة صغيرة كمون
- ½ ملعقة بيكربونات صوديوم
- سمسم
- ½ كوب مياه
طريقة التحضير
- لو هنشتغل بالكبة الصغيرة هنفرم البصل والخضراوات مع التوابل أولا وبعد كدا نحط الحمص حبة حبة ونفرم.. هنفضل نفرم لحد ما الخليط يبقى ناعم
- لو هنشتغل بالكبة الكبيرة بتاعة الكيتشن ماشين بنحط كل المكونات ونفرمها سوا برضه لحد ما تبقى ناعمة
- لو هنشتغل بالمفرمة هنحط الحجات ديه الاول على بعضها في طبق ونخلطها من غير التوابل وناخد جزء جزء (يكون شامل كل المكونات) ونحط في المفرمة، ولما نفرم كل الكمية نحط عليها التوابل ونخلطها كويس جدا
- بنجيب طاسة عميقة وفيها زيت ونسيبه يسخن حبة، بعدها نبدأ نعمل أقراص الطعمية باستخدام الملعقة أو أي حاجة تانية تقدروا تشكلوا بيها وقبل ما ننزلها في الزيت نحط على وشها السمسم. بعد كدا ننزلها في الزيت واول ما لونها يبقى بني من الناحيتين نطلعها على طبق فيه منديل علشان نخفف الزيت
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد