→ كل الوصفات
أحلي أكلة مع كوباية الشاي بلبن الصبح أو تصبيرة مع الشاي السادة ،مغذيه جدا للأطفال خاصة اللي بالعجوة منها طبعا
المقادير
- 1 كيلو دقيق
- كوب كبير لبن رايب
- معلقة كبيره خميرة فورية
- كوب سمن سايح أو زبدة سايحه
- 1/2 معلقه صغيرة ملح
- معلقة كبيره سكر
- ماء دافي للعجن
- للحشوات..عجوة مهروسه أو جبنه أو سكر وقرفه
طريقة التحضير
- توضع الخميرة والسكر علي نصف كوب ماء دافيء ويترك جانبا
- في وعاء نظيف ينخل الدقيق وعليه رشة الملح ثم يوضع السمن واللبن الرايب والخميرة السايله اللي اختبرناها في الكوب
- يتعجن كله حتي يلم العجين وميلزقش في الأيدي ثم يغطي ويترك ساعه يرتاح
- تجهز صواني وتدهن مادة دهنيه ويقطع من العجين كرات بحجم الليمونه الكبيرة وتلف في اليد ويوضع بها حشوة العجوه وتقفل وتفرد في اليد ثم نضعها في صنية الخبز
- ممكن تعملي جزء منها ساده بدون حشوات بتكون جميله وجزء تحشيه سكر علي قرفه بتكون جميله كمان
- ممكن تضيفي شمر وينسون للعجين أو سمسم زي ما تحبي
- بعد الإنتهاء من كل العجين يدهن الوجه سمن أو زيت أو لبن، أنا مش بحب ادهنه بيض لكن ينفع، يوضع في الفرن علي درجة ١٨٠ حتي تمام النضج
- ويقدم مع الشاي وبألف هنا
- ملحوظة..كيلو الدقيق عمل حوالي ٢٥ قرصة متوسطه ولا أحلي وأنظف من حاجه معموله بإيديكي وبسم الله
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد