→ كل الوصفات
القرص الفلاحي الطرية من أحلى المعجنات إللي ممكن تعمليها👌🏻 تشكيلها سهل وبسيط ومقاديرها بسيطة بتحشيها بالعجوة وتاكليها مع كوب شاي☕ أو شاي بالحليب حاجة كدة تحفة❤️ ومع جو الشتاء🌧️ الجميل دة جربي اعمليها ودفي البيت بحرارة الفرن وريحة الخبز🤩😍
المقادير
- 3 كوب دقيق
- 1 ملعقة كبيرة خميرة فورية
- 2 ملعقة كبيرة سكر
- 2 ملعقة كبيرة حليب بودرة
- رشة صغيرة من الملح
- 1 كوب حليب دافئ
- 1 ملعقة كبيرة من الخل
- 1/4 كوب سمنة مذابة
- للحشوة نحتاج
- كمية من العجوة (تمر مفروم)
طريقة التحضير
- أولاً جيبي كوب الحليب الدافئ وحوطي علية ملعقة الخل وقلبيهم وسيبيهم شوية لحد لما الحليب يكون رايب😍
- جيبى طبق غويط وحوطي فية الدقيق والخميرة والسكر والحليب البودرة ورشة الملح وقلبيهم مع بعض كويس😍
- ضيفي بعد كدة الحليب الرايب والسمنة واعجبني العجينة مش اقل من 7 دقايق عشان العجينة تكون حلوه معاكي وتتكون معاكي عجينة ملساء وبتلزق شوية😍
- جيبى طبق غويط وحوطي فية حبة زيت وحوطي فيه العجينة وغطي العجينة وسيببها تختمر لمدة ساعة😍
- كوري العجينة بعد كدة كور بحجم البيضة وحوطي كل كور العجينة في صينية مرشوشة بالدقيق وبعد كدة جيبي كوره من العجين وافرديها بإيدك وبعد كدة حوطي فيها حشوة العجوة وقفلي على العجينة وبعد كدة إضغطي عليها بإيدك شوية عشان تكون زي الشكل في الصورة وخلصي كل كمية العجين بالشكل دة😍
- جيبى صينية الخبز وادهني الصينية بالزيت ورصصي فيها القرص واعملي فيها خطوط بالسكينة وغطيها وسيبيها ترتاح لمدة 10 دقائق وبعد كدة ادهني وجهها بالحليب ودخلي الصينية الفرن على درجة حرارة 200 لمدة 15 دقيقة ولما وجهها يتحمر شوية خرجيها من الفرن وغطيها وسيبيها 10 دقايق عشان تكون طرية معاكي😍
- قدمي القرص الفلاحي الطرية بعد كدة مع كوبايه شاي حلوة☕ او شاي بالحليب وأستمتعي بالطعم التحفة جربيها أكيد هتعجبك وبالعافية عليكي حبيبتي 😘❤️🌹
- 😋😋😋😋😋
- 😋😋😋😋😋😋😋😋😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد