→ كل الوصفات

القرص الفلاحي الطرية بحشوة العجوة (التمر المفروم) 😋❤️

القرص الفلاحي الطرية من المعجنات اللذيذة جداً😋👌🏻 المشهورة في المطبخ المصري❤️ طريقتها سهلة وتشكيلها بسيط ممكن نعملها على الفطار أو العشا وفي شهر رمضان🌙 ممكن نعملها بجانب وجبات السحور جربيها أكيد هتعجبك 😍💗🌷 #العلاج_بالطبخ #العلاج_بالخبز #الطبخ_مؤنس_الوحدة #Cookingtherapy

  • 3 كوب دقيق
  • 2 ملعقة كبيرة حليب بودرة
  • 1/4 كوب سمنة
  • 1 ملعقة كبيرة خميرة فورية
  • 1 ملعقة كبيرة سكر
  • 1 كوب ماء دافئ
  • رشة صغيرة من الملح
  • كمية من العجوة(تمر مفروم) للحشوة
  1. 💥جيبى طبق عميق وحوطي فية الدقيق والخميرة والسكر والحليب البودرة ورشة الملح وقلبيهم مع بعض كويس جداً 😍
  2. 💥ضيفي بعد كدة السمنة والماء الدافئ والزبادي وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
  3. 💥غطي العجينة بعد كدة وسيبيها تختمر لمدة ساعة وبعد كدة قسمي العجينة الى كرات صغيرة متساوية في الحجم وحوطي الكرات على مفرش سليكون او صينية كبيرة مرشوشة بالدقيق و غطي كل الكرات عشان متنشفش وبعد كدة خودي كرة من العجين وأفرديها بإيدك حبة وحوطي فيها حشوة العجوة واقفلي العجينة تاني وأضغطي عليها حبة عشان تكون شكل دائرة😍
  4. 💥كملي كل كرات العجين بالشكل ده وحوطي القرص الفلاحي في صينية مدهونة بالزيت وغطيها وسيبي القرص ترتاح لمدة 15 دقيقة 😍
  5. 💥بعد لما تختمر اعملي فيها خطوط بالسكينة وادهني وجه القرص بالحليب ودخليها الفرن على درجة حرارة 200 لمدة 15 دقيقة تقريباً ولما تستوي ووجهها يأخذ لون ذهبي حلو خرجيها من الفرن وغطيها بفوطة مطبخ نظيفة لمدة 10 دقائق عشان تكون طرية معاكي 😍
  6. 💥قدمي القرص الفلاحي بعد كدة لكل عيلتك هيعجبوا بيها جداً وممكن تستبدلي الحشوة بحشوة الجبنة أو تسيبيها سادة من غير حشو وإن شاء الله تجربيها وتعجبك 😍❤️🌷
  7. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →