→ كل الوصفات
#امي_جنتي
المقادير
- كيلو دقيق
- 2 كبايه الا ربع لبن رايب (لبن و زبادي)أو لبن(430 ملي)
- كبايه سمنه على زيت (250 ملي)
- 2 معلقة كبيره قشطه أو وجه اللبن
- 2 معلقة كبيره سمسم
- معلقة صغيرة مليانه سكر
- ¼ معلقة صغيره ملح
- 2 معلقة كبيره مليانه خميرة
- معلقة سكر مليانه صغيرة
- ¼ كبايه لبن رايب دافي أو ماء دافي أو لبن دافي 70ملي
طريقة التحضير
- هنحط الخميرة على بعض تشتغل سوى
- هنعجن كل المكونات سوى على بعض و نحط عليها الخميرة بعد ما تشتغل و نعجن فيها و نحط اللبن الرايب شوية بشويه ممكن تأخذ أقل من المقدار بس اعجني فيها كويس لمده متقلش عن 10 دقائق
- هنغطي العجينة و نسيبها تختمر لمده ساعة في فرن دافي
- بعد ما تختمر هنطلعها نكورها و نشكلها على شكل قرص سمكها سم.لو عايزه تحشيها عجوه (تمر) ماشي
- هتحطيها في صينيه مش مدهونه زيت لانها دهنية اصلا.و هتحطيها تختمر لمده 10 ل 15 دقيقه تغطيها بفوطه و تحطيها في مكان دافي قبل ما تدخليها الفرن.بعد ما تختمر هتشغلي الفرن على 200 و تسيبيها في الفرن من مده من 13 ل 15 دقيقه يعني اول ما تلون حلو من تحت شغلي الشوايه تأخذ لون من فوق و بس طلعيها و غطيها على طول عشان تفضل طرية و كلي احلى قرص فلاحي و بالهنا والشفا💋❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد