→ كل الوصفات
طريقة عمل القرص الفلاحي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ ك دقيق
- ملعقه كبيره ونصف سمنه
- ملعقه من السكر
- قطعة خميره
- رشة ملح
- لبن للعجن مع وش اللبن لو موجود
- شوية يانسون حبوب او كمون حبوب او شمر حبوب او حبة البركه
طريقة التحضير
- الكميه تكفي لعمل 6 قرص نفس الحجم بالصوره
- في بوله بحط الخميره والسكر وكبشه او مغرفه ونصف لبن واقلب كويس بالويسك (المضرب اليدوي) لحد ما يدوبو أحط السمنه ونصف كوب من الدقيق واقلب كويس اوي لحد ما يسيحوا ويندمجو كويس أفتح الفرن يسخن واغطي العجينه بورق استرتش او باي غطا واقفل الفرن (يعني هفتحوا ثواني بمثابة التغطيه) وأحط البوله جواه نصف ساعه
- وأخرجها واحطلها بقية الدقيق كلو والملح ولو احتاجت لبن أحط لحد ما تلم وماتلزقشي أعجنها أكتر وكل ما أخدمها هتبقى أطرى واحط الحبوب واعجن كويس عشان يتداخلوا مع العجينه كويس واغطيها تاني وأسيبها في الفرن تخمر تاني ساعه
- وأخرجها واقطعها ست قطع وأخد اول قطعه وأفردها بالنشابه او المردانه بسمك واحد سم ولما أخلص كلو أدهن الوش بيضه مربوبه مع معلقة لبن كبيره واسيبها وافتح الفرن على درجة حراره 200وبعد خمس دقايق أدخلهم الفرن لحد ما يستوو ويحمر القعر وافتح الشوايه لو احتاجت ولو لا خلاص وأشيلها من الصنيه لو عايزاها طريه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد