→ كل الوصفات
من ألذ الحلويات البيتي اللي طعمها يجنن خفيفة سهلة ومكوناتها بسيطة وفي الآخر هتطلعي بصينية كريمية بطعم ولا أروع 😍 جربوها #ع_طريقتي ولا احلي #المريول_السوبر
المقادير
- 2 كيلو يقطينه كبيرة حوالي
- 2 كوب سكر
- 2 م ك عسل نحل
- كيلو و نص حليب بقري طازة
- 1/4 كوب دقيق
- 2 م ك نشا
- علبه قشطة
- رشه قرفة
- رشه جوزة الطيب
- مكعب وسط زبدة
- جوز مطحون خشن
- زبيب بأنواعه
- جوز هند عادي و خشن
- 2 م ك سميد خشن
- 3 م ك زبدة
طريقة التحضير
- هانقشر اليقطين و نقطعو اد بعض قطع صغيره و نحطو ف الحله و نحط عليه السكر و نخليه ع الاقل ساعتين او اكتر لحد ما نلاقيه نزل كل الميا اللي فيه و بعدين نولع عليه النار ياخد غلوتين و نوطي عليه بقي لحد ما يستوي
- هانطلعو نصفيه ناخد الميا بتعت السلق عشان البشاميل.. بعد ما نصفيه نحط عليه المكسرات و كمان نزود معلقتين كبار عسل نحل نقلب الخليط كلو كويس هانجيب صنيه كبيره و ندهنا سمنه و زبده و نرش شويا من السميد الخشن و بعدين ننزل بالخليط بتاع القرع و نفردو ف الصنيه كويس
- نروح نعمل البشاميل بقي الحله اللي فيها ميا اليقطين هانحط عليها الحليب و الدقيق و رشه قرفة و رشه جوزة الطيب و نقلبو كويس و نرفعو ع النار لحد ما ياخد القوام المزبوط لو حسيته ما زبط هاندوب النشا ف شويا ميا و ننزل ع الخليط لحد ما يتقل و ننزل بمكعب زبدة و نقلب كويس و نسيبو يهدا شويا و ننزل بيه ع الخليط اللي ف الصنيه
- نرش ع وش البشاميل شويا من السميد الخشن ايوا اللي هو سميد البسبوسه و نوزع الزبده ع الوش و ندخلو الفرن شويا من تحت و نطفي و نولع فوق لحد ما يتحمر معنا و نطلعها نسيبها تبرد و نقدمها و بالهنا و الشفا. و يااه لو كانت ف التلاجه هاتكون خطيره حرفيا👌🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد