→ كل الوصفات
القطايف كما يجب أن تكون
المقادير
- كوبين دقيق
- كوبين وربع ماء
- 2 ملعقة كبيرة لبن بودرة
- معلقه كبيره نشا
- معلقه كبيره سكر وذره ملح
- معلقتين صغيرتين خميره
- كوبايه سكر
- كوبايه ماء
- ½ ليمونه
طريقة التحضير
- ننخل الدقيق ونضع عليه جميع المكونات الجافه ماعدا الخميره
- في ربع كوب ماء فاتره هنحط الخميره ونص ملعقة سكر وندوبهم ونسيبهم شويه علشان تتفاعل الخميره ونتأكد أنها صالحه اللاستخدام
- لما الخميره تعلي وتكون تمام هنحط ربع كوب الماء بالخميره على الدقيق بالمكونات الجافه ومعاهم كوبين الماء الفاتره المتبقيه من المقادير
- نقلب كويس كل المكونات ونسيبهم تختمر تمام يعني ساعة مثلا
- على ماتخمر هنكون عملنا الشربات هنجيب كوب السكر ونضيف عليها كوب الماء وعلى النار اول ما تغلي هنضيف عصير نص ليمونه وتأخذ غلوتين ونطفي
- بعد ما تختمر نبدأ بقي نجيب طاسه تيفال ونمسحها بمنديل في زيت بسيط وناخد القطايف بمغرفه ونصب في الطاسه والحجم اللي احنا عاوزينه
- اول ما تلاقي القطايف استوت من فوق واحمرت من تحت مش بقلبها بشيلها واحطها على قماشه نضيفه واغطيها علشان تفضل طريه وحلوه
- لما نخلص الكميه اللي عندنا هنجهز الحشوة وهي ::شويه زبيب شويه سوداني مجروش أو أي نوع مكسرات تحبوه شويه جوز هند ملعقة سكر ربع ملعقة قرفة وربع ملعقة فانيليا او اقل شويه
- نبدأ نحشي القطايف بالمكسرات بالطريقه المعتادة ونقفلها كويس ونسيبها بردو على فوطه متغطيه
- هنا بقي مفرود نحمرها في زيت لكن أنا عندي الحله القليه بدون زيت طبعاً اللي عندها يكون اخف واحسن بمسح بالفرشه زيت على القطايف من الناحيتين وبحطها في الحله دي ربع ساعة وبتتطلع متحمره وجميله
- وبعد خطوه الزيت أو حله بدون زيت نضعها في الشربات اللي عملناه ويكون بارد شويه ونطلعها وبألف هنا😋😋😋
- لو الكميه كبيره احشيها كلها وغلفيها كويس واحفظيها في الفريزر بس تكون محشيه ولما تتطلعيها اقليها وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد