→ كل الوصفات
و كل سنه وانتو طيبين كل سنه وانتو طيبين وربنا يبلغنا رمضان غير فاقدين ولا مفقودين
المقادير
- 3 كوب دقيق
- كوب إلا ربع سميد
- معلقه صغيره خميره
- معلقه صغيره بكنج بودر
- رشه كربونات (كربونات الصوديوم)
- رشه ملح
- معلقتين كبار سكر
- 4 إلا ربع كوب ماء او 4 كوب ماء حسب قوام الخليط
طريقة التحضير
- نضع كل المكونات في الخلاط ونضربها سوا حتي يكون القوام هكذا
- نسيب الخليط يرتاح ١٠ دقائق ثم نقلبه كويس ونبدا
- نكون مسخنين طاسه تيفال كويس جدا ولما تسخن نخلي النار متوسطه ونضع الخليط بالكبشه علي شكل دوائر
- نترك القايف لحد ما تبتدي تطلع فقاعات وتبتدي تستوي و تلاقي وش العجين بدا يستوي وينشف كما هوا موضح
- لما تطلعي القطايف لازم تكوني مجهزه فوطه نظيفه وترص القطايف جنب بعض وليس فوق بعض عشان متلزقش في بعض وتغطيها بفوطه تانيه (اوي اي قطعه قماش نظيفه) (عشان تكون القطايف طريه ومتتكسرش معاكي لما تيجي تحشيها)
- اسيب القطايف تبرد وهيا بداخل الفوطه ولما تبرد نحشيها ونرصها في طبق وتحفظيها في الفريزر او لو عايزه تقليها علي طول
- الملحوظات ::::. لو خزنتي القطايف في الفريزر لما تيجي تقليها تطلعيها من الفريزر علي القلي علي طول متسبيهاش تفك :::::: من الافضل نضرب المكونات كلها مع بعض في الخلاط عشان القوام ميكونش فيه تكتلات :::::: اول مجموعه هتسويها من القطايف (اول دور) في الغالب مبيطلعش مظبوط فكملي عادي هتلاقي الباقي ظبط معاكي :::::: اثناء تسويه القطايف لازم تكون النار متوسطه عشان متتحرقش منك :::::::: لو حسيتي ان قوام العجين ابتدي يتقل معاكي خففيه بحبه ماء ورجعيه للقوام الاصلي
- وبالف هنا للجميع وكل سنه وانتو طيبين وربنا يبلغنا رمضان غير فاقدين ولا مفقودين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد