→ كل الوصفات

القطايف وتفريزها

#تجهيزات_رمضان

  • كوب دقيق
  • معلقه كبيره لبن بودر (ان وجد)
  • معلقه صغيره خميره
  • ½ معلقه صغيره بايكنغ بودر
  • معلقه صغيره سكر
  • رشه ملح
  • كوب إلا شئ بسيط ماء دافئ
  1. نخلط كل المكونات سوا بالمضرب اليدوي اهم حاجه ميكنش فيه اي تكتلات ويكون القوام هكذا
  2. نسيب العجين يخمر ولما يخمر نهبطه ونسخن طاسه تيفال على النار لو مفيش تيفال نجيب اي طاسه وندهنها دهنه زيت ونحط الخليط دوائر ولما يبتدي الوجه ينشف نشيلها بس تكون النار هاديه (ملحوظه ::: في الغالب اول كام واحده بيبقو مش مظبوطين متخفيش كملي باقي الكميه هيبتدي يظبط معاكي)
  3. ملحوظه اخرى ::: بعد ما القطايف تستوي تطلعيها وتحطيها جوه كيس مده دقيقه عشان تبقي طريه معاكي وتبقاش ناشفه وتتكسر بس اهم حاجه دقيقه بس مش اكتر عشان مش تبوش
  4. بعد كده هتحشيها وتقفليها كويس جداً لو هتفرزيها تحطيها في الفريزر محشيه وتطلعيها قبل القلي على طول يعني تطلعيها عقبال ما تسخني الزيت وتقلي على طول وهيا متجمده فكيها من بعضها واقلي في زيت ساخن جداً
  5. للقليه هتحشيها وتسخني الزيت وتقلي اول ما تتحمر تخرجيها على شربات بارد وتقيل
عجبتك الوصفة؟
شوف كل وصفاتنا في مكان واحد
كل الوصفات →