→ كل الوصفات
طريقة عمل القطايف👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- معلقه خميره وسط
- معلقه كبيره هرميه نشا
- معلقه كبيره هرميه دقيق
- معلقه صغيره سكر
- 5 معالق كبار هرميين دقيق
- كوب وربع ميه دافيه
- زيت للقلي
- مكسرات للحشو
- كوب شربات
طريقة التحضير
- في بوله غويطة هنضيف النشا ومعلقه الدقيق والخميره والسكر ونقلبهم مع بعض كويس اوي
- هنضيف عليهم ثلث كوب ميه ونقلبهم مع بعض كويس اوي ونتاكد انهم كلهم انقلبوا مع بعض كويس اوي ونخليه عشر دقائق يخمر
- هننزل بالدقيق ونقلبه مع الخليط السابق بعد التخمر بالماء ونقلبهم كويس اوي هنغطيها ونخليها تختمر نص ساعة
- بعد التخمير هنقلبهم كويس اوي وننزل الهوا من العجين
- هنحضر طاسه غير لاصقه ونسخنها على النار ونضيف مقدار من الخليط حوالى معلقتين ولو عوزينها كبيره هيكون ٣ ملاعق ونهز الطاسه عشان العجينة تتفرد وتتوزع
- نخليها على النار تستوي من تحت كويس ومجرد مايظهر فقاقيع على الوجه يبقى العجينة مظبوطة تستوي من تحت بس نطلعها ونرصها على صينية تبرد ونكرر العمليه لحين انتهاء الكميه
- هنحشيها الحشو المتواجد وتتقلي في زيت سخن غزير وتطلع تبرد تتسقي شربات بارد
- ملحوظه عشان القطايف متفكش منك فالقلي قلبي ملعقة دقيق مع معلقتين ميه كويس اوي ومشي الجزء المقفوله منه القطايف في الخليط وتنزلي بيها على طول في الزيت استحاله هتفك منك ابدا وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد