→ كل الوصفات

الكبدة الاسكندراني بالعيش والطحينة.. 🥰♥

تحضيرها سهل وسريع 😄👏

  • كيلو كبدة متقطعة قطع صغيرة خالص
  • 4 فصوص ثوم
  • 5 حبات فلفل رومي
  • 1 بصلة صغيرة للي بيحب يضيف بصل ، لكن انا محبتش اضيفها
  • 3 ملاعق كبيرة خل
  • 1 لمونة كاملة
  • معلقة صغيرة ملح
  • معلقة صغيرة كزبرة ناشفة
  • معلقة صغيرة فلفل اسود
  • معلقة صغيرة 7 بهارات
  • رشة جنزبيل
  • رشة شطة
  • رشة كمون
  1. ملحوظة : الكبدة مبتتغسلش لان لم بتتغسل بتعمل ريحة زفارة
  2. هنقطع الكبدة قطع مكعبات صغيرة خالص والفلفل الرومي كذلك
  3. هنحضر تشويحة البهارات هنفرم التوم ونحط عليه البهارات الي قلنا عليها وهنضيف عليه ال ٣ معالق خل واللمونة ونقلبهم كويس
  4. هنحضر الطاسة ونحط شوية زيت وننزل عليه بمعلقة كبيرة من تشويحة التوم وننزل عليها بالكبدة تاخد لون كدا وننزل عليها بالفلفل وباقي تشويحة التوم
  5. هنقلب نقلب ودوقي شوفي ملحها وبهاراتها مظبوطة ولا لا ظبطتي انتي حسب ما تلاقيها محتاجة وسيبيها شوية عالنار
  6. بعدها هنفضل نقلب علشان متنزلش الماية بتاعتها ونوطي عليها شوية ونسيبها لحد ما تستوي معانا
  7. ونعملها في سندوتشات وبس كدا بالف هنا علي قلبكو..😍🤷‍♀️
عجبتك الوصفة؟
شوف كل وصفاتنا في مكان واحد
كل الوصفات →