→ كل الوصفات

الكبدة الضاني بطريقة الشاورما

طريقة عمل الكبدة الضاني بطريقة الشاورما سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو كبده وقلب وكلاوي ضاني شرايح
  • ثمره كبيره فلفل ألوان شرايح
  • شرايح بصله كبيره
  • معلقه صغيره فلفل اسود
  • معلقه وسط ملح
  • معلقه صغيره توم مفروم
  • معلقه صغيره كزبره
  • كوب طماطم شرايح
  • معلقتين كبار خل
  • معلقه صغيره سكر
  • معلقه كبيره زبده
  1. هنغسل الكبده والقلب والكلاوي بسيط وهحطهم على مصفي يتصفوا قبل التقطيع بعد كدا هنقطعهم شرايح زي الشاورما
  2. هنقطع الخضار وإحضره في طاسه عالنار هضيف الزبده تسخن وانزل بالبصل اقلبه يدبل ويتفكك من بعضه خالص
  3. هنزل بالفلفل والطماطم والتوم واقلبهم كويس جدا دقيقتين هنزل بالقلب والكلاوي الأول
  4. هنقلبهم كلهم مع بعض الأول كويس وهغطي عليه يستوي الأول لأنه هياخد وقت أطول من الكبده هتكون بالشكل ده واستوت هنقلبها وأعلى النار تنشف الصوص شويه وبعدين هضيف الكبده والتوابل والخل
  5. هنقلبهم كويس جدا على نار عالي وخليها حوالي من ٣ ل ٥ دقايق لما الصوص يقل شويه تتقدم سخنه مع الأرز وبالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →