→ كل الوصفات
#الشيف_الذهبي
المقادير
- ½ كيلو كبده
- ½ كيلو حلويات الكبده فشه وطحال وقلب وكلاوي
- بصله متوسطه
- 3 فصوص ثوم
- ¼ كوب خل
- ملح
- معلقه كبيره سبع بهارات
- 3 فلفل أخضر رومي ونص فليفلة حرا
- معلقه سمنه كبيره
طريقة التحضير
- على النار هنحط ملعقة السمنه فحله وننزل بالبصله متقطعه ونشوحها لحد ماتصفر خالص وننزل بالثوم معاها ونشوحه كويس جداً هنبقي مقطعين الحلويات صغير عصافيري وننزل بيهم على البصل ونشوحهم ونغطي عليهم مع ربع كوب ماء عشان تستوي خالص لأنها بتأخذ وقت غير الكبده
- قبل إتمام التسويه بشويه بسيطه هنبقي مقطعين الكبده صغير خالص وننزل بيها عليهم ونقلبهم كويس. ونحط التوابل بقى والفلفل ونقلبهم حلو اوي ونضيف الخل ونغطيها شويه خمس دقائق كذا
- هنفتحها نظبط الملح وبعدين ونسيبها مكشوفه لما تتشرب الماء بتاعتها ونسيب فيها نسبه بسيطه خالص من الصوص بتاعها وبالف هنا بقى سندوتشات أو مع الرز 😉😉😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد