→ كل الوصفات

الكبسة بالروز بسمتي

طريقة عمل الكبسة بالروز بسمتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • روز بسمتي كمية على حسب عدد الأشخاص
  • ماء ساخن
  • 3 فصوص تومة مقطعين طول
  • كمية اللحم الغنمي فيه الشحمة
  • 1 بصلة بيضاء مقطعة طول
  • ملح حسب الذوق
  • إبزار
  • خرقوم
  • تحميرة
  • عويدات القرنفل
  • حبات الهيل
  • عويد القرفة
  • ورقة سيدنا موسى
  • حبات الكامون
  • زيت الزيتون
  • زبيب مرقد في الماء
  1. نحضر طنجرة الضغط ونضع فيها اللحم والبصلة والتوابل كلها وحتى القرنفل والهيل......وزيت زيتون غير شوية والثومة
  2. نشحر الكل ونمرق بماء سخون ونخليه يطيب
  3. ملي يطيب اللحم مزيان نضيف الروز والزبيب اللي رقدناه في الماء وغسلناه وكمية الماء يكون سخون (يعني إلى درنا 2 زلايف الروز نديرو 4 زلايف الماء)
  4. نسد الطنجرة لمدة 10إلى 15دقيقة على نار مهيلة
  5. في هذه الأثناء نغسل كمية الروز بسمتي بالماء 5 مرات حتى يتحيد النشا ويولي الماء صافي ونرقدو في الماء ساعة ونصفيه هاد الخطوة نديروها ملي يكون اللحم كيطيب
  6. بالنسبة للتزيين درت الكاجو ورشة المعدنوس والجزر نقيتو وحيدت القلب ديالو وقطعتو قطع رقيقة وطويلة ودرتو في كاسرونة فيها الماء معلقة سكر سنيدة وعود القرفة وسلقتو 5 دقائق نصف سلقة وصفيتوا ودرتو في مقلاة فيها معلقة كبيرة زبدة معلقة سكر سنيدة وشوية القرفة مطحونة ووضعتو فوق نار مهيلة حتى تعسل ودرتو من فوق
  7. وبالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →