→ كل الوصفات

الكبيبة وكفتة الجمبري اليورسعيدى 🦐

#الشيف_الذهبي

  • 3 كيلو جمبري مقشر وصغير الحجم
  • 3 أكواب كبيرة أرز مصري
  • مقادير خلطة الكفتة///
  • 1/2 كيلو بصل
  • رأس ثوم كبيرة
  • 2 حزمة بقدونس
  • 2 حزمة شبت
  • 2 حزمة كزبرة خضراء
  • معلقة شطة كبيرة
  • ملعقة كمون كبيرة
  • معلقة فلفل اسود كبيرة
  • ملعقة كزبرة ناشفة كبيرة
  • معلقة بهارات سمك كبيرة
  • معلقة نعناع جافة كبيرة
  • 2 معلقة ملح كبيرة
  • معلقة كبيرة بيكنج بودر
  • مكونات شوربة سلق الكبيبة//
  • بصلة كبيرة مبشورة
  • 2 مكعب مرقة خضار
  • معلقة صغيرة فلفل أسود
  • 1/2 ملعقة كمون
  • 1/2 معلقة شطة
  • 1/2 ملعقة كبيبية صينى او ملعقة صويا صوص
  • معلقة صغيرة ملح
  • مكونات كفتة الجمبري بالصلصة //
  • كوب صلصة طماطم متسبك
  • معلقة كبيرة صلصة معجون طماطم
  • معلقة صغيرة ملح
  • بصلة صغيرة مبشورة
  • معلقة خل كبيرة
  • معلقة كبيرة دبس رومان
  • معلقة صغيرة فلفل أسود
  • 1/2 ملعقة كمون
  • 1/4 معلقة نعناع جاف
  • 1/2 معلقة شطة حارة
  • مكونات الأرز//
  • 2 كوب ارز بسمتي
  • باقي شوربة الكبيبة بعد سلق الكبيبة
  1. ملحوظة: عشان ننضف الجمبري بسهولة نضعه في الفلليزر يتجمد وبعد ذلك نقوم بتقشيرة بسهوله لا إن إحنا هنا في هذه الوصفة مستخدمين جمبري حجمة صغير بعد تقشير الجمبري ندعكة بالملح وشوية دقيق ونشطفة بالماء الجارى في مصفاة ونتركه يتصفاة من الماء تماما
  2. تحضير العجينة: أول حاجة نحضر البصل ونقطعة مكعبات ونفسل الخضرة كلها ونقطعها ونقشر الثوم ونحضر الكابة ونفرم الخضار والبصل والثوم مع بعض
  3. تحضير الارز: نغسل الارز المصري ونتركه ينشف فوق فوطة او صينية كبيرة ونقلبة كل شوية عشان ينشف لمدة ساعة نحضر الكابة المتخصصة لفرم الحبوب ونفرم الارز ناعم خالص
  4. تحضير العجينة بكل المكونات: نحضر طبق كبير ونضع فيه كل المكونات (الجمبري لو صغير الحجم مش بفرمة بسيبة زي ما هو لكن لو كبير بدقة في الهون شوية انا مبفرمش الجمبري في الكابة عشان مش عايزينة يبفا عجينة انا عايز الجمبري يكون طعمة ظاهر في الأكل واحس بطعمة في الأكل عشان إحنا لو فرمنا الجمبري هتبقا الكبيبية والكفتة عاملة زي الطعمية إحنا مش عايزين كدة خالص الجمبري لازم أحس بطعمة في الفم)
  5. نخلط جميع المكونات ونضع كل البهارات ومعلقة بيكنج بودر كبيرة عشان الكفتة تكوم هشة نشكل العجينة صوابع للكفتة المقلية نحضر صينية او صاج وادهنها بشوية زيت وارص جفوقها صوابع الكفتة عشان اسهل عليه في القلى وتصبيع الكفتة ببل ايديا ماء او دهنة زيت واصبع الكفتة عشان متلزقش في ايدى
  6. الكبيبة : احضر حلة وابشر بصلة كبيرة واضعها مع الزيت على النار لغاية لما تأخذ لون غامق اضع فوقها الماء واتيلها بالملح والفلفل الاسود والكمون ومكعبيين مرقة خضار وشطة حارة وورق لورا ونتركها تغلى هتكون شبهة شوربة السمك الصيادية
  7. نبدأ في تحضير الكبيبة نحضر طبق فيه ماء ونبل ايدينا فبه ونأخذ من العجينة ونشكلها على هيئة اقراص مبططة ونضعها في الشوربة على طول ونعمل شوية شوية ونقلبها بالمغرفة ونتركها حوالي عشر دقائق او ربع ساعة ونأخذها ونضعها في مصفاة حتى نفاذ الكمية عشان الارز يستوي وتتشمع وتمسك في بعض مثل التوضيح في الصورة ٠
  8. الخطوة الاخيرة في الكفتة والكبيبة المقلية نحضر مقلاة او صينية فيها زيت ونبدأ بقلى الكفتة الصوابع وبعد ذلك الكبيبة وتقدم ساخنة
  9. الصنف الثالث وهو الكفتة المقلية بالصلصة : نحضر بصلة صغيرة ونشوحها في الزيت حتى الاحمرار ونضع فوقها طماطم متسبكة ومعلقة معجون صلصة كبيرة ومعلقة سكر صغيرة وملح وفلفل أسود ومعلقة خل كبيرة وربع ملعقة شطة حارة ومعلقة كبيرة دبس رمان ونتركها تغلى غلوة نأخذ جزء من الكفتة المحمرة ونضعها فوق الصلصة وتغلى غلوة ونطفى عليها على طول عشان الكفتة بتشرب الصلصة بسرعة عشان فيها رز والخطوة دى على الاكل على طول عشان الكفتة هتنفش وتشرب الصلصة يعنى منحطش الكفتة في الصلصة الا عند تقديم الطعام٠
  10. اخر خطوة في هذة الوجبة اللذيذة الأرز شوربة الكبيبة بحضر ٢كوب ارز بسمتي واضعة في الشوربة الساخنة بعد التخلص من الكبيبة على طول ومبغسلش الارز ولومحتاج ماء ذودى ماء عشان الارز البسمتى هياخذ ٤ اكواب ماء على ٢ كوب ارز بسمتي او ارز مصري بس على كل كوب ارز مصري كوب ماء واحد ومنزودش اي إضافات ونغطي الارز لغاية لما يتشرب ونهدى عليه الماء وهتكلوا احلى طعم رز صيادية بطعم وريحة الجمبري
  11. كل هذة الخطوات لعمل ثلاث اصناف من الجمبري بعجينة واحدة وكل وصفة لهيا طعم غير الاخر وممكن نطبخ صنف واحد فقط من هذة الوصفات بس انا عملت الثلاث وصفات عشان امى الغالية عودتتنا عليها بشكل داء وأحب أن يكون في سباق الشيف الذهبي هذه الوصفة وهي الكبيبة والكفتة البورسعيدية بطريقة امى الحبيبة ٠
  12. بورسعدية وأفتخر ببلدى الحبيبة
عجبتك الوصفة؟
شوف كل وصفاتنا في مكان واحد
كل الوصفات →