→ كل الوصفات
الكيك الذهبي هو كيك هش بالبرتقال لذيذ وينفع للفطار الصبح أو للعشا وأحلي سناك وأحلي تصبيرة ولكل الأوقات
المقادير
- 2 كوب دقيق
- 1 كوب سكر
- ½ كوب زيت ذرة
- عصير 2 برتقالة
- ملعقة كبيرة بيكنج بودر
- فانيليا
- بشر 2 برتقالة
- 2 بيضة بدرجة حرارة الغرفه
طريقة التحضير
- في وعاء نظيف نضع الدقيق وعليه البيكنج بودر وبشر البرتقال
- وفي الخلاط نضع كل المكونات السايله ونضربها كويس جداً
- وبعدين نصب الخليط على الدقيق في الوعاء السابق ونقلب براحه بالمضرب اليدوي في اتجاه واحد
- نكون محضرين القوالب اللي هنحط فيها أو أي قوالب للكيك موجودة عندنا وندهنها بالسمن عشان يدي ريحه حلوة لأننا عملنا الكيك بالزيت
- نصب الخليط في القوالب ومنملأش على الآخر علشان مينزلش في الفرن لما يعلي الكيك
- ملحوظة..أنا حطيت ملعقة بودرة عصير تانج بالبرتقال أضافت للكيك نكهة ولون جميل
- تدخل الفرن على درجة حرارة ١٨٠ ويفضل يكون الفرن ساخن من قبل نسيبها حوالي نص ساعة ولا نفتح الفرن أبدا إلا بعد نص ساعة على الأقل ممكن نختبرها بخلة أسنان أو شوكه لو طلعت نضيفه من دون عجين يبقى تمام استوت
- بس وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد