→ كل الوصفات

الكرواسون الهش الخطير 😋💓🥐

طريقة سهلة لعمل الكرواسون هتعجبك جداً 😍🤩 #المرور_الثالث #حملة_التشجير

  • 3 كوب دقيق
  • 1 كوب لبن دافئ
  • 1/2 كوب زبدة طريه
  • 1/4 كوب زيت
  • 1 بيضة
  • رشة فانيليا
  • 2 ملعقة كبيرة سكر
  • 1 ملعقة صغيرة خل
  • 1 ملعقة كبيرة خميرة
  • رشة ملح
  • للوجه
  • 1 صفار بيضة
  • 3 ملاعق لبن
  • 1/4 ملعقة خل
  • رشة فانيليا
  1. أولاً في طبق غويط نضع الدقيق والسكر والخميرة ورشة الملح وبياض بيضة والفانيليا وملعقة الخل ونسيب الصفار عشان ندهن بية وجه الكرواسون بعد كدة نضيف الزيت ونعجن باللبن الدافئ كويس جداً إلى أن تتكون عجينة ملساء وبتلزق شوية ونعجن مش أقل من ٧ دقائق أخدمي العجينة عشان تنجح معاكي ☺️
  2. بعد كدة نجيب بولة كبيرة نضع فيها زيت ونضع فيها العجينة ونغطيها ونسبها تختمر حوالي ساعة وبعد لما تختمر نكورها كور صغيرة بحجم البيضة تقريبا ونضع كل الكور على صينية مرشوشة بالدقيق ونغطيها بفوطة مطبخ نظيفة
  3. وبعدين نأخذ كورة من العجين ونفردها بالنشابة ونضع عليها حوالي ملعقة صغيرة زبدة نوزع الزبدة على العجينة كويس وبعدين نأخذ كورة تانية ونفردها ونضع عليه زبدة ونضع طبقات العجينة على بعض ويكون ٨ طبقات من العجينة ☺️
  4. يعني نأخذ كوره ونفردها ونضع عليها زبدة ونضع عليها طبقة تانية لحد لما نكون ٨ طبقات والطبقة الأخيرة منحوطش عليها زبدة وبعد كدة ندخلها الثلاجة 1/4ساعة وبعدين نخرجها من الثلاجة☺️
  5. بعد كدة نرش الرخامة بالدقيق ونضع عليها العجينة ونفردها بالنشابة كويس على شكل دائرة وبعد كدة نقسم الدائرة من العجينة مثلثات نقطعها زي البيتزا وبعدين نلفها من قاعدة المثلث رول وبعدين نأخذ الكرواسون ونضعة في صينية مدهونة بالزيت ونكمل كل الكمية بالشكل دة ☺️
  6. نسيب الكرواسون يخمر تاني بعد كدة حوالي 1/4ساعة وبعدين ندهن وجه الكرواسون بصفار بيضة عليه ٣ ملاعق لبن ورشة فانيليا و1/4ملعقة خل
  7. وندخله الفرن على درجة حرارة ١٨٠ حوالي نصف ساعة ولما يستوي ووشة يحمر بنخرجة ونغطي بفوطة مطبخ نظيفة عشان يكون طري معاكي وبس كدة قدمية بئا على الفطار وأستمتعي بالطعم الرائع جمييييل جداً وبالهنا والعافية 😍💓😋🌹
  8. ممكن تحشي الكرواسون شوكولاتة أو جبن براحتك أنا عملاه ساده لو عايزة تحشية أي حشوة إنتي وزوقك😍وممكن تدهني وجه الكرواسون مربى أو عسل🍯 بيكون روعه🤩
عجبتك الوصفة؟
شوف كل وصفاتنا في مكان واحد
كل الوصفات →