→ كل الوصفات

الكسرة الأغواطية 😍 بنة على طريقة أمي غاليتي

#حراير_الجزائر#خيرات_بلادي امممم بنينة بنينة تهبل هذي أكلة مشهورة ومحبوبة عندنا في ولاية الاغواط 😍ليشتيك ويحب يودك يعرضك يديرهالك😂😂 محبوبة الصغار والكبار💞تشبه للمحاجب بصح الحشو تاعها مختلف ....فيها جزر. وزيتون اخضر ودجاج او لحم.مفروم او حتى تونة وجبن تبقى اذواق نتمنى تجربوها وتعجبكم❤ المهم تبعوني لتحت نوريلكم.كيفاه.نديروها👇

  • عجينة المسمن عادي نحطهالكم هنا
  • 1 كلغ جزر مبشور
  • حبة بصل كبيرة مبشورة
  • 5 فصوص ثوم مبشور (تحبو ديرو اقل او اكثر)
  • 100 غ زيتون اخضر مقطع صغير
  • ملعقة صغيرة ملح
  • ملعقة صغيرة فلفل أسود
  • 5 ملاعق زيت
  • ملعقة ك طماطم مصبرة
  • كأس او كاسين ماء حسب نوعية الجزر
  1. بسم الله الرحمن الرحيم
  2. نحضر العجينة ونخليها ترتاح ونروح ندير الحشو تاعي
  3. في طنجرة فوق النار نحط الزيت البصل الجزر والملح والفلفل الأسود ونحرك كلش مدة 5 دقيقة اومبعد نضيف الماء ونقص النار الى ادنى درجة ونسكر عليها نخليها طيب مدة 20.دقيقة
  4. نضيفلها الزيتون والطماطم...نخليها 5 دقيقة او 10.. كي نحسها خلاص طابت نضيف الثوم مبشور ونسكر مده 5 دقيقة فقط ونحيها من.فوق النار
  5. في هذه الاثناء نطيب الكسرة تاعي ونبدا نعمرها ونقدموها سخونة مع لتاي لازم بصحتكم حبيباتي نتمنى تجربوها
عجبتك الوصفة؟
شوف كل وصفاتنا في مكان واحد
كل الوصفات →